Griemshorst

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Griemshorst
Laag vun Griemshorst in Düütschland
Basisdaten
Bundsland: Neddersassen
Landkreis: Stood
Samtgemeen: Harsfeld
Gemeen: Harsfeld
Inwahners:
Postleettall: 21698
Vörwahl: 04164
Geograafsche Laag:
Koordinaten:53° 26′ N, 9° 32′ O
53° 26′ N, 9° 32′ O

Fackwark-Buurnhuus in Griemshorst
Buurnhuus in Griemshorst

Griemshorst is en Dörp in de Gemeen Harsfeld, Samtgemeen Harsfeld, in’n Landkreis Stood, Neddersassen.

Geografie[ännern | Bornkood ännern]

De Oort liggt op de Harsfeller Geest. In’n Westen von Griemshorst liggt mit’n Braken un Harslah en Rebeed mit olen Woold. Dat Water ut dat Rebeed flütt över Griemsbeek un Steenbeek na de Au hen af.

De Naveröörd sünd Harsfeld in’n Noorden, Wittenfell in’n Noordoosten, Kommerbusch-Remnoh in’n Süüdoosten, Ohrensmoor-Noord mit Depenrehmen in’n Süüdwesten un Hollenbeek in’n Westen.

Historie[ännern | Bornkood ännern]

1926 hebbt se bi Griemshorst en oold Hünengraff afrüümt un dor Urnen ut de fröhe Sassentied bi funnen. Dat Graff sülvs weer ut de Bronztied.

Toeerst in de Oorkunnen kummt de Oort as Grimeshorst vör, as de Grevin Ermengard em an dat Klooster Harsfeld schenkt. De Oorkunn kummt ut de Tied twüschen 1130 un 1142.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Harsfeld in’n Kanton Harsfeld höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Harsfeld in’n Kanton Hornborg.

Vör 1885 weer dat Dörp in de Huusvaagdie Harsfeld binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

De Oort tellt al von dat 19. Johrhunnert af an to de Gemeen Harsfeld.

Inwahnertall[ännern | Bornkood ännern]

Johr Inwahners
1791-00-001791[1] 7 Füürsteden
1824-00-001824[2] 3 Füürsteden
1871-12-011. Dezember 1871[3] 39 Lüüd. 5 Hüüs
1885-12-011. Dezember 1885[4] 42 Lüüd. 6 Hüüs
1905-12-011. Dezember 1905[5] 35 Lüüd. 4 Hüüs

Religion[ännern | Bornkood ännern]

Griemshorst is evangeelsch-luthersch präägt un höört to dat Kaspel von de Marien- un Bartholomäus-Kark in Harsfeld.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

Weertschop un Infrastruktur[ännern | Bornkood ännern]

För Griemshorst is de freewillige Füürwehr Harsfeld mit tostännig.

Verkehr[ännern | Bornkood ännern]

Griemshorst liggt an de Kreisstraat 53, de in’n Noordwesten na Harsfeld an de K 26n föhrt un in’n Süüdoosten na Kommerbusch an de Landsstraat 127. Von de K 53 geiht na Süüdwesten de K 79 af, de na Depenrehmen/Ohrensmoor an de L 127 ran geiht. Ans gifft dat noch en lüttjere Straat na Wittenfell.

De nächste Autobahn is de Autobahn 26 (Afsnidd StoodHamborg). De Opfohrt 5 Hornborg liggt so 14 Kilometer in’n Noordoosten von Griemshorst an de K 36. De Opfohrt 46 Heidenau op de Autobahn 1 (Afsnidd HamborgBremen) liggt so 15 Kilometer in’n Süüdoosten an de K 15.

De nächste Bahnhoff is dree Kilometer in’n Noordwesten de Bahnhoff Harsfeld an de Bahnlien Bremerhoben-Buxthu.

Literatur[ännern | Bornkood ännern]

  • Wilhelm Beneke: Siedlungschronik von Griemshorst. 2002

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 87
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 222
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160

Weblenken[ännern | Bornkood ännern]

Commons-logo.svg Griemshorst. Mehr Biller, Videos oder Audiodateien to’t Thema gifft dat bi Wikimedia Commons.