Balje (Neddersassen)
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 58,09 km² | |
| Inwahners: | 927 (31. Dezember 2023) | |
| Postleettall: | 21730 | |
| Vörwahl: | 04752, 04753 | |
| Geograafsche Laag: | Koordinaten:53° 50′ N, 9° 8′ O53° 50′ N, 9° 8′ O | |
| Grenzen bi OSM: | 446467 
| |
| Gemeenslötel: | 03 3 59 004 | |
| Öörd in de Gemeen: | 16 | |
| Börgermeester: | Gerhard von Ahn (SPD) | |
| Websteed: | www.nordkehdingen.de | |
|
Koort Kreis 
 | ||
Balje is en Gemeen in de Samtgemeen Noordkeden in'n Landkreis Stood in Neddersassen mit 927 Inwahners (Stand 31. Dezember 2023). De Oort liggt in Keden tüschen de Strööm Ilv inne Nord und de Oost inne Süd un hett 16 verscheeden Ortsdelen op ongefähr 5 809 ha.
De Düütsche Fährstraat löppt dörch dat Dörp.
Recht bekannt mang de Touristen un mennigmol 'n Ploog för de Buern is dat Vogelschutzrebeet in den grooten Butendiek mit den Hullen (höör’ von 1957 bit 1998 tau Hamborg; schull mol jemmer Vörhoben, Deepwaterhoben waarn) inne Nord-West-Spitz, an de Münnen von de Oost.
Bi dat Kaspel un de Gemeen Balje höört von öllers ok en Reeg annere Öörd mit to. Dat sünd: Baljerdörp, Eggerkamp, Bredendiek, Elvdiek, Wetterdiek, Hollerdiek, Hünkenbüttel, Övelgünn, Süderdiek, Fulenhoff, Wisch, Nalje, Butendiek, Feldhoff, Hörn, Kohdamm, Neenhoff, Oostdiek, Möhlenwisch un Riddershusen un de Göder Riddershusen, Baljerhoff, Feldhoff, Wischhoff, Hörn, Olenwisch, Kükenbüttel, Baljerdörp un Rosenkranz.
Geografie
[ännern | Bornkood ännern]De Gemeen liggt in de Masch von de Ünnerelv. Dat Water ut dat Rebeed warrt över de Krummendieker Wettern, dat Wisch-Fulenhöver Fleet, dat Möhlenwischer Fleet, dat Itzwöörden-Hörner Fleet un den Olenwischer Priel na Süden na de Oost hen afföhrt. In dat grote Rebeed twüschen olen Elvdiek un ne’en Elvdiek in’n Noorden warrt dat Water över süüdlichen un nöördlichen Sielgraven afföhrt.
De Navergemenen sünd Krummendiek in’n Oosten, Öderquart in’n Süüdoosten, Kumbarg in’n Süden un Neehuus un Belen in’n Westen. Op dat annere Över von de Elv in’n Noorden doot de sleswig-holsteenschen Gemenen Niefelderkoog un Brunsbüttel liggen.
Historie
[ännern | Bornkood ännern]Wo auld dat Dörp is, weet nüms so recht, wohrschienlich is dat al ut dat 13. Johrhunnert. De Naam (in de verscheeden Tieden Balgha - Balghe – Ballie – Balje) kummt woll af von dat aulsassisch’ Woord „balko“, dat heit „Vörsprong“ in de Meent von „Landtung“. Mennigwelk Lüüd glöövt ok an 'n Herkoomst von „-balje“ („Waschbalje“), schall 'n grauten Priel dörlaupen hebben.
De ole Lüchttoorn von Balje is 1904 boot worrn un de ne’e 1977.
Verwaltungsgeschicht
[ännern | Bornkood ännern]De Oort weer vör 1885 Deel von dat Amt Freeborg un weer denn in’n Kreis Keden. 1932 is dat an’n Landkreis Stood kamen.
2015 hebbt de Gemeenrääd in de Samtgemeen Noordkeden beslaten, dat se as Eenheitsgemeen tohoopgahn wüllt. Dat schull to’n 1. Januar 2017 passeren.[1] Dör en Börgerentscheid in de Gemeen Wischhoben an’n 29. November 2015 hebbt sik de Börgers von Wischhoben mit 68 % gegen de Eenheitsgemeen utspraken. Dormit weren de Plaans to Fall brocht un de Samtgemeen blifft bestahn.[2]
Inwahnertall
[ännern | Bornkood ännern]| Johr | Inwahners |
|---|---|
| 1890[3] | 2.260 |
| 1910[4] | 1.835 |
| 1925[3] | 1.546 |
| 1933[3] | 1.457 |
| 1939[3] | 1.367 |
Religion
[ännern | Bornkood ännern]
Balje is evangeelsch-luthersch präägt un billt mit de Marienkark en egen Kaspel.
För de Kathoolschen is de Hillig-Krüüz-Kark in Oterndörp tostännig.
Wapen
[ännern | Bornkood ännern]Dat Wapen wiest op blauen Grund en gollen Karkenklock över en sülvern Schildfoot.
Dat Wapen kummt af von de ole Saag, dat de Baljers bi en Stormflood de Klock ut Bruunsbüttel klaut hebbt. Dat Dörp hett dat Wapen dör Erlass von dat Neddersassische Binnenministerium an’n 26. April 1948 kregen.
Kultur
[ännern | Bornkood ännern]In Balje warrt jümmer an’n drüdden Advent op’n Dörpplatz bi de Kark Wiehnachtsmarkt fiert. Den eersten Wiehnachtsmarkt in Balje hett dat 2009 geven.[5]
Politik
[ännern | Bornkood ännern]Gemeenderoot
[ännern | Bornkood ännern]| Johr | CDU | SPD |
|---|---|---|
| 2006[6] | 6 | 5 |
| 2011[7] | 8 | 3 |
Weertschop un Infrastruktur
[ännern | Bornkood ännern]
Balje hett en egene freewillige Füürwehr.
De Volksbank Keden hett in Balje in de Bahnhoffstraat 5 en Filiaal un de Kreisspoorkass Stood in de Bahnhoffstraat 24.
Scholen
[ännern | Bornkood ännern]In Balje gifft dat de Grundschool Balje.
Footnoten
[ännern | Bornkood ännern]- ↑ Fusion auf den Weg gebracht, Stader Tageblatt an’n 22. Juli 2015
- ↑ Einheitsgemeinde ist gekippt, Stader Tageblatt an’n 30. November 2015
- ↑ a b c d http://www.verwaltungsgeschichte.de/stade.html
- ↑ http://www.gemeindeverzeichnis.de/gem1900/gem1900.htm?hannover/kehdingen.htm
- ↑ Susanne Helfferich: Ortswehr initiiert Weihnachtsmarkt, Stader Tageblatt an’n 10. Dezember 2009
- ↑ http://www.nordkehdingen.de/UPLOADS/PDFDatein/Wahlbaljetabelle.pdf
- ↑ http://www.nordkehdingen.de/uploads/Balje.pdf
Weblenks
[ännern | Bornkood ännern]
Balje (Neddersassen). Mehr Biller, Videos oder Audiodateien to’t Thema gifft dat bi Wikimedia Commons.
- Websteed vun de Gemeen (hoochdüütsch)
Balje | Bargst | Beekdörp | Bliersdörp | Brest | Burweg | Buxthu | Deinst | Dollern | Drochters | Düünbeudel | Engelschopp | Esdörp | Freenbeek | Freiborg | Gauderhandviddel | Gothenborg | Greundiek | Grootweurn | Hammoh | Harsfeld | Heinbockel | Himmelpoorten | Hornborg | Hullern-Twielenfleth | Jörk | Kronenborg | Krummendiek | Kutenhult | Mittelskark | Neekark | Nottensdörp | Obbens | Oederquart | Ohlers | Olendörp | Sounsiek | Steenkark | Stood | Wischhoben