Hörn (Gemeen Balje)

Vun Wikipedia
Wapen/Flagg Koort
hett keen Wapen
Hörn
Laag vun Hörn in Düütschland
Basisdaten
Bundsland: Neddersassen
Landkreis: Stood
Samtgemeen: Noordkeden
Gemeen: Balje
Inwahners:
Postleettall: 21730
Vörwahl: 04753
Geograafsche Laag:
Koordinaten:53° 49′ N, 9° 5′ O
53° 49′ N, 9° 5′ O

Karte

Hörn (hoochdüütsch Hörne) is en Oort in de Gemeen Balje (Samtgemeen Noordkeden) in’n Landkreis Stood, Neddersassen. De Oort hett fröher to de Buurschop Nalje tohöört.

Geografie[ännern | Bornkood ännern]

Hörn liggt in de Masch von de Elv in’n Noordwesten von Keden. De Oost flütt so bi twee Kilometer in’n Westen langs.

De Naveröörd sünd Balje-Elvdiek-West in’n Noorden, Balje in’n Noordoosten, Kukenbüttel un Süderdiek in’n Süüdoosten, Itzwöörden un Geversdörp in’n Süden, Olenwisch un Neehuus in’n Süüdwesten un Neehüserdiek in’n Westen.

Historie[ännern | Bornkood ännern]

De Oort hett vör 1852 to dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Kreis Stood worrn.

Inwahnertall[ännern | Bornkood ännern]

Johr Inwahners
1793-00-001793[1] 1 Füürsteed
1824-00-001824[2] 48 Füürsteden
1871-12-011. Dezember 1871[3] 278 Lüüd, 43 Hüüs

Religion[ännern | Bornkood ännern]

Hörn is evangeelsch-luthersch präägt un höört to dat Kaspel von de Marienkark in Balje.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur[ännern | Bornkood ännern]

Hörn hett en egene freewillige Füürwehr.

Verkehr[ännern | Bornkood ännern]

Dör Hörn löppt de Landsstraat 111, de in’n Westen na Freeborg geiht un in’n Süden na Geversdörp un bi Dingwöörden an de Bundsstraat 73 ran. Von de L 111 geiht na Noordwesten de Kreisstraat 5 af, de aver al na en poor hunnert Meter toenn is un in de Straat Elvdiek-West övergeiht. Na Westen geiht de Straat Neenhoff, de ok över dat Oost-Sparrwark rövergeiht.

De nächste Autobahn is de Autobahn 27 (Afsnidd CuxhobenBremerhoben). De Opfohrt 1 Cuxhoben liggt so 31 Kilometer in’n Westen von Hörn.

De nächste Bahnhoff is so bi negen Kilometer wied weg in’n Süüdwesten de Bahnhoff Kumbarg an de Nedderelvbahn.

Scholen[ännern | Bornkood ännern]

De Kinner ut’n Oort gaht op de Grundschool Balje. En egen Volksschool harr de Oort bet 1967.

Nadem se mit de Grundschool trech sünd, gaht de Kinner op de Oberschool Noordkeden oder op dat Vincent-Lübeck-Gymnasium in Stood. Se dröfft aver ok op dat Detlefsengymnasium in Glückstadt oder dat Gymnasium Warstood gahn.

Footnoten[ännern | Bornkood ännern]

  1. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 115: https://books.google.de/books?id=jN5QAAAAcAAJ&pg=RA1-PA115
  2. C. H. Jansen: Statistisches Handbuch des Königreichs Hannover. 1824, Sied 282: http://books.google.de/books?id=tG0AAAAAcAAJ&pg=PA282
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137: https://books.google.de/books?id=qTZDAQAAMAAJ&pg=RA2-PA137