Grundschool Balje

Vun Wikipedia
Zur Navigation springen Zur Suche springen

De Grundschool Balje is en Grundschool in dat Dörp Balje in’n Landkreis Stood. Dreger is de Samtgemeen Noordkeden. De School liggt in de Bahnhoffstraat 26.

Dor gaht de Schölers ut de ganze Gemeen Balje hen. De Öllern ut de Gemeen Öderquart hebbt, nadem de Grundschool Öderquart 2014 dichtmaakt hett, de Wahl, wat se ehr Kinner op de Grundschool Freeborg oder na Balje schickt.

Nadem se mit de Grundschool trech sünd, gaht de Kinner na de Oberschool Noordkeden oder dat Vincent-Lübeck-Gymnasium in Stood. Se dröfft aver ok op dat Detlefsengymnasium in Glückstadt oder dat Gymnasium Warstood gahn.

De School is 1967 nee boot worrn. Vörher hett dat lüttjere Volksscholen in Balje (an’n Baljer Karkplatz), Hörn un Süderdiek geven, de 1967 all dree dichtmaakt un in de ne’e School tohoopleggt worrn sünd.[1] En Sporthall hett de School in de Johren 1980 kregen.[1]

Mit dat Schooljohr 2002/2003 is de School verlässliche Grundschool worrn.

De Schoolvereen von de School hett sik in’n Januar 2006 grünnt.

De School harr in dat Schooljohr 2008/2009 dree Schoolmeesters, twee Referendare un 50 Schölers, 2009/2010 42 Schölers un 2012/2013 44 Schölers.

Schoolbaas[ännern | Bornkood ännern]

  • 1967–2002: Bärbel Gottschalk
  • 2002–2015: Gunda Remien
  • August 2015-: Susanne zum Felde

Weblenken[ännern | Bornkood ännern]


Koordinaten:53° 50′ N, 9° 8′ O

  1. a b Susanne Helfferich: Zwei Baljer Schulleiterinnen erinnern sich. Stader Tageblatt an’n 7. Juni 2017