Hünkenbüttel

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hünkenbüttel
Laag vun Hünkenbüttel in Düütschland
Basisdaten
Bundsland: Neddersassen
Landkreis: Stood
Samtgemeen: Noordkeden
Gemeen: Balje/Krummendiek
Inwahners:
Postleettall: 21730, 21732
Vörwahl: 04753
Geograafsche Laag:
Koordinaten:53° 49′ N, 9° 10′ O
53° 49′ N, 9° 10′ O

Hünkenbüttel (hoochdüütsch Hünkenbüttel) is en lütten Oort mit twee Hööv in de Gemenen Balje un Krummendiek (Samtgemeen Noordkeden) in’n Landkreis Stood, Neddersassen. De Grenz twüschen de Gemenen löppt an de Hünkenbütteler Straat langs, de twüschen de beiden Hööv liggt.

Geografie[ännern | Bornkood ännern]

De Oort liggt in de Masch von Keden. De Elv liggt so bi fiev Kilometer in’n Noorden. Dat Water ut dat Rebeed flütt över Gravens na de Krummendieker Wettern hen af.

De Naveröörd sünd de Krummendieker Elvdiek un Krummendiek in’n Noordoosten, Wechtern mit Ridderhoff, Eggernkamp un Bredendiek in’n Süüdoosten, Baljerdörp un Süderdiek in’n Süüdwesten un Balje un de Baljer Elvdiek in’n Noordwesten.

Historie[ännern | Bornkood ännern]

De Hööv von Hünkenbüttel sünd von öllers opdeelt twüschen de Kaspels Balje un Krummendiek. De Baljer Deel hett fröher to de Buurschop Eggerkamp höört un de Krummendieker Deel to de Buurschop Wester-Wechtern.

Dat Good Hünkenbüttel weer in Besitt von de Familie von der Decken.

Goodsherrn[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden un 1932 is dat Deel von’n Kreis Stood worrn.

Inwahnertall[ännern | Bornkood ännern]

Baljer (Eggerkamper) Deel:

Johr Inwahners
1791-00-001791[1] 1 Füürsteed
1824-00-001824[2] 2 Füürsteden
1871-12-011. Dezember 1871[3] 33 Lüüd. 2 Hüüs

Krummendieker (Wester-Wechterner) Deel:

Johr Inwahners
1824-00-001824[4] 1 Füürsteed
1871-12-011. Dezember 1871[5] 10 Lüüd. 1 Huus

Religion[ännern | Bornkood ännern]

Hünkenbüttel is evangeelsch-luthersch präägt un höört to de Kaspels von de Nicolai-Kark in Krummendiek un de Marienkark in Balje.

För de Kathoolschen in’n Baljer Deel is de Hillig-Krüüz-Kark in Oterndörp tostännig un för de in’n Krummendieker Deel de Hillig-Geist-Kark in Stood.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Hünkenbüttel liggt dicht bi de Landsstraat 111, de in’n Süüdwesten över Balje un Geversdörp na de Bundsstraat 73 bi Neehuus geiht un in’n Süüdoosten över Freeborg na Wischhoben.

De nächsten Autobahnen sünd de Autobahn 26 (Afsnidd StoodHamborg) un de Autobahn 27 (Afsnidd CuxhobenBremerhoben). De Opfohrt 1 Cuxhoben op de A 27 liggt so 38 Kilometer in’n Westen von Hünkenbüttel an de B 73 un de Opfohrt 3 Stood-Oost op de A 26 üm un bi 43 Kilometer in’n Süüdoosten an de L 111.

De nächste Bahnhoff is so bi 15 Kilometer wied weg in’n Süüdwesten de Bahnhoff Kumbarg an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner ut’n Baljer Deel von’n Oort gaht op de Grundschool Balje, de ut’n Krummendieker Deel op de Grundschool Freeborg.

Nadem se mit de Grundschool trech sünd, gaht de Kinner op de Oberschool Noordkeden oder op dat Vincent-Lübeck-Gymnasium in Stood. Se dröfft aver ok op dat Detlefsengymnasium in Glückstadt oder dat Gymnasium Warstood gahn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 118
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 306
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 306
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138