Helmst

Vun Wikipedia
Wapen/Flagg Koort

Wapen vun Helmst

Helmst
Laag vun Helmst in Düütschland
Basisdaten
Bundsland: Neddersassen
Landkreis: Stood
Samtgemeen: Freenbeek
Gemeen: Deinst
Inwahners:
Postleettall: 21717
Vörwahl: 04149
Geograafsche Laag:
Koordinaten:53° 31′ N, 9° 29′ O
53° 31′ N, 9° 29′ O

Karte

Helmst (hoochdüütsch Helmste) is en Dörp mit üm un bi 1100 Inwahners in de Gemeen Deinst, Samtgemeen Freenbeek, in’n Landkreis Stood, Neddersassen. In’n Oosten von’t Dörp liggt de Rüstjer Forst mit dat lütt Dörp Rüstje.

Geografie[ännern | Bornkood ännern]

De Naveröörd sünd Hagen in’n Noorden, Gothenborg in’n Noordoosten, Dollern un Hornborg in’n Oosten, Issendörp un Ohrens in’n Süden un Deinst in’n Westen.

Historie[ännern | Bornkood ännern]

Toeerst in de Oorkunnen dükert dat Dörp 1141 as Helvesic op.

Vör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

In’n Eersten Weltkrieg sünd 18 Soldaten ut Helmst fullen oder vermisst un in’n Tweten 51[1].

De Gemeen Helmst hett von 1965 bet 1972 to de Samtgemeen Freenbeek tohöört. De is an’n 1. Juli 1972 oplööst worrn. In dat Johr is mit de Kommunalreform in Neddersassen de ne’e un gröttere Samtgemeen Freenbeek billt worrn, to de de Oort sietdem höört. Helmst is an dissen Dag mit de Gemeen Deinst tohoopleggt worrn.

Inwahnertall[ännern | Bornkood ännern]

Johr Inwahners
1824-00-001824[2] 13 Füürsteden
1848-00-001848[3] 240 Lüüd, 40 Hüüs
1910-12-011. Dezember 1910[4] 290
1925-00-001925[5] 327
1933-00-001933[5] 356
1939-00-001939[5] 378

Religion[ännern | Bornkood ännern]

Helmst is evangeelsch-luthersch präägt un hett bet 1959 to dat Kaspel von de Primus-Kark in Bargst höört. Nu höört dat to de Martin-Luther-Kark in Freenbeek.

För de Kathoolschen is de Hillig-Geist-Kark in Stood tostännig.

Wapen[ännern | Bornkood ännern]

Dat Wapen wiest baven en sülvern Helm op roden Grund un neern en rood-sülvern Schachbredd-Munster.

Börgermeesters[ännern | Bornkood ännern]

  • 1968-31. Juni 1972: Heinrich Klintworth[6]

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht bi’n Karkhoff.

Verenen[ännern | Bornkood ännern]

De Freewillige Füürwehr is 1902 grünnt worrn. En Heimatvereen gifft dat siet 2001. Nadem dat al siet de Johren 1920 von de Ledertafel un de Füürwehr ut Scheetsport geven hett, hett sik 1987 de Scheetsport-Gemeenschop Helmst sülvstännig maakt.

Infrastruktur[ännern | Bornkood ännern]

Verkehr[ännern | Bornkood ännern]

Helmst liggt an de Landsstraat 124, de in’n Noorden na Stood un an de Bundsstraat 73 rangeiht un in’n Süden na Harsfeld löppt. Na Oosten geiht de Kreisstraat 44 dör’ Rüstjer Forst na Hornborg. Na Westen to geiht de Kreisstraat 1 na Deinst un Freenbeek.

Scholen[ännern | Bornkood ännern]

Helmst harr fröher en egen Volksschool.

Lüüd[ännern | Bornkood ännern]

De Schrieversche Fanny Müller is 1941 in Helmst boren.

Literatur[ännern | Bornkood ännern]

  • Helmste - ein Geestdorf erzählt. 2008

Footnoten[ännern | Bornkood ännern]

  1. http://www.denkmalprojekt.org/2009/helmste_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 264: http://books.google.de/books?id=tG0AAAAAcAAJ&pg=PA264
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  4. http://www.gemeindeverzeichnis.de/gem1900/gem1900.htm?hannover/stade.htm
  5. a b c http://www.verwaltungsgeschichte.de/stade.html
  6. Stader Tageblatt: Heinrich Klintworth ist gestorben. 17. Juni 2013

Weblenken[ännern | Bornkood ännern]