Issendörp

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Issendörp
Laag vun Issendörp in Düütschland
Basisdaten
Bundsland: Neddersassen
Landkreis: Stood
Samtgemeen: Harsfeld
Gemeen: Harsfeld
Inwahners:
Postleettall: 21698
Vörwahl: 04163
Geograafsche Laag:
Koordinaten:53° 29′ N, 9° 31′ O
53° 29′ N, 9° 31′ O

Issendörp (hoochdüütsch Issendorf) is en Dörp in de Gemeen Harsfeld, Samtgemeen Harsfeld, in’n Landkreis Stood, Neddersassen. De Oort liggt an de Au.

Geografie[ännern | Bornkood ännern]

De Naveröörd sünd Helmst in’n Noordwesten, Hornborg in’n Noordoosten, Bliersdörp un dat Good Daudieck in’n Oosten, Harsfeld in’n Süden un Ohrens in’n Süüdwesten. In’n Noorden liggt de Rüstjer Forst.

Historie[ännern | Bornkood ännern]

Dat Dörp is de ole Stammseet von de Familie von Issendörp.

Vör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

Issendörp weer fröher en egenstännige Gemeen, de von 1967 bet 1972 Liddmaat von de ole, lüttje Samtgemeen Harsfeld weer. De Gemeen is an’n 1. Juli 1972 bi de Gemeenreform in Neddersassen mit de Gemeen Harsfeld tohoopleggt worrn un weer denn Deel von de ne’e un gröttere Samtgemeen Harsfeld.

Inwahnertall[ännern | Bornkood ännern]

Johr Inwahners
1824-00-001824[1] 10 Füürsteden
1848-00-001848[2] 219 Lüüd. 35 Hüüs
1910-12-011. Dezember 1910[3] 217
1925-00-001925[4] 252
1933-00-001933[4] 220
1939-00-001939[4] 222

Religion[ännern | Bornkood ännern]

Issendörp is evangeelsch-luthersch präägt un höört to dat Kaspel von de Primus-Kark in Bargst.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

Kultur[ännern | Bornkood ännern]

To’n Oosten von Issendörp liggt de archäoloogsche Wannerpadd Daudieck mit dree Hünenbedden ut de Jungsteentied (Hünenbedden von Daudieck) un över 50 Gräver ut de Bronztied. Bi een von de Gräver kann een in de binnen inbote Steenkist kieken. De Decksteen von de Steenkist hett 27 inarbeidte lütte Schalen. Ok ut de Sassentied gifft dat en Grafffeld.

Verenen[ännern | Bornkood ännern]

De Freewillige Füürwehr is 1937 grünnt worrn un de Schüttenvereen 1996.

Infrastruktur[ännern | Bornkood ännern]

Verkehr[ännern | Bornkood ännern]

Issendörp liggt an de Landsstraat 123, de in’n Noordoosten na Hornborg un in’n Süüdwesten över Ohrens na Bargst löppt. Na Stood in’n Noorden löppt de Landsstraat 124. Na Süüdoosten hen is de Oort dör de Au von’n Verkehr afsperrt.

En Radweg an de L 123 na Ohrens is 2013/2014 boot worrn.

Lüüd[ännern | Bornkood ännern]

Dirk Behrens hett en Atelier in Issendörp.

Literatur[ännern | Bornkood ännern]

  • Walter Janssen: Issendorf: Ein Urnenfriedhof der späten Kaiserzeit und der Völkerwanderungszeit. 1972
  • Martin Weber: Das Gräberfeld von Issendorf, Landkreis Stade, Niedersachsen. Kulturgeschichtliche Studien an den Brandgräbern der Grabungen 1967 bis 1979 in der Zeit der angelsächsischen Landnahme. Isensee, 2000, ISBN 9783895986963
  • Peter Caselitz: Menschen von Issendorf: Rekonstruktion einer altsächsischen Gemeinschaft. Isensee, 2005, ISBN 978-3899952476

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 320: http://books.google.de/books?id=tG0AAAAAcAAJ&pg=PA320
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  3. http://www.gemeindeverzeichnis.de/gem1900/gem1900.htm?hannover/stade.htm
  4. a b c http://www.verwaltungsgeschichte.de/stade.html