Daudiek
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21640 | |
| Vörwahl: | 04163 | |
| Geograafsche Laag: | Koordinaten:53° 30′ N, 9° 33′ O53° 30′ N, 9° 33′ O | |
|
| ||
Daudiek (hoochdüütsch Daudieck) is en Oort in de Gemeen Hornborg (Samtgemeen Hornborg) in’n Landkreis Stood, Neddersassen.
Geografie
[ännern | Bornkood ännern]De Oort liggt op de Stoder Geest. An’n Süüdrand von Daudiek deit de Au langsfleten.
De Naveröörd sünd Dollern in’n Noorden, Hornborg in’n Noordoosten, Postmoor un Schragenbarg in’n Oosten, Bliersdörp in’n Süüdoosten, Issendörp in’n Süüdwesten un Rüstje in’n Noordwesten.
Historie
[ännern | Bornkood ännern]De öllsten Sporen ut de Vörgeschicht in Daudiek sünd de Hünenbedden von Daudiek.
Daudiek weer fröher en Good von dat Klooster Harsfeld. Üm 1600 rüm hett de Hornborger Borgmann Berthold Schulte von der Lühe dat Good von dat Klooster köfft. Dat Goodshuus, dat Blangenhuus un de Möhl sünd denn 1609 boot worrn. In dat 18. Johrhunnert is dat Good an de Familie von Rönne övergahn un in dat 19. Johrhunnert an de Familie von Holleuffer. In’n Tweten Weltkrieg is Hans Albrecht von Holleuffer ahn Nakamen fullen un dat Good is dör Arvgang an de Familie Brümmel kamen, de dat Good ok vondaag noch tohöört.
De Gebüüd von dat Good staht vondaag ünner Denkmaalschutz. To dat hüdige Good höört 130 Hektar Ackerland, 15 Hektar Gröönland, 70 Hektar Holt un 10 Hektar Dieken.
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Hornborg in’n Kanton Hornborg höört un denn von 1811 bet 1814 to dat Franzöösche Kaiserriek ünner Napoleon un dor ok wedder to de Mairie Hornborg in’n Kanton Hornborg.
De Oort hett vör 1852 to dat Gericht Hornborg un denn von 1852 bet 1859 to dat Amt Hornborg tohöört. Von 1859 bet 1885 weer dat in dat Amt Harsfeld un na 1885 in’n Kreis Stood. 1932 is dat Deel von’n ne’en, grötteren Kreis Stood worrn.
Daudiek weer al jümmer mit Hornborg verbunnen. In dat 19. Johrhunnert weer Daudiek en Tied lang en egenstännig Goodsbezirk, is denn aver Deel von de Gemeen Hornborg worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 2 Füürsteden |
| 1824[2] | 3 Füürsteden |
| 1848[3] | 39 Lüüd, 4 Hüüs |
| 1. Dezember 1871[4] | 37 Lüüd, 5 Hüüs |
| 1. Dezember 1885[5] | 36 Lüüd, 5 Hüüs |
| 1. Dezember 1905[6] | 33 Lüüd, 4 Hüüs |
Religion
[ännern | Bornkood ännern]Daudiek is evangeelsch-luthersch präägt un höört to dat Kaspel von de Leevfroon-Kark in Hornborg.
För de Kathoolschen is de St.-Marien-Kark in Buxthu tostännig.
Weertschop un Infrastruktur
[ännern | Bornkood ännern]För Daudiek is de freewillige Füürwehr Hornborg mit tostännig.
Verkehr
[ännern | Bornkood ännern]Daudiek liggt an en lüttje Blangenstraat von de Landsstraat 123, de in’n Noordoosten na Hornborg an de Bundsstraat 73 ran geiht un in’n Süüdwesten över Issendörp un Ohrens na Bargst. Dorbi krüüzt de L 123 de L 124, de na Harsfeld geiht.
De nächste Autobahn is de Autobahn 26 (Afsnidd Stood–Hamborg). De Opfohrt 5 Hornborg liggt so söven Kilometer in’n Noordoosten von Daudiek.
De nächste Bahnhoff is so bi dree Kilometer wied weg in’n Noordoosten de Bahnhoff Hornborg an de Nedderelvbahn.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 52
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 126
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 144
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 158
Weblenken
[ännern | Bornkood ännern]- Websteed över dat Good (hoochdüütsch)