Gericht Hornborg
Dat Gericht Hornborg weer en Patrimonialgericht un later königlich Gericht un Verwaltungsrebeed in Bremen-Veern un in dat Königriek Hannover mit Seet in Hornborg binnen de Landdrostie Stood. Dor hett groff dat Rebeed von de hüdigen Gemenen Hornborg un Dollern tohöört. Gerichtsherrn weren de Familien von Schulte, von Düring, von dem Bussche, von Holleufer un von Oeynhausen.
Geografie
[ännern | Bornkood ännern]In’n Noorden von dat Gericht leeg dat Amt Stood, in’n Oosten dat Grevengericht Oolland, in’n Süden dat Gericht Delm un in’n Westen dat Amt Harsfeld (Stand 1848).
Historie
[ännern | Bornkood ännern]1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Hornborg weer in disse Tied de Seet von de Mairie Hornborg in’n Kanton Hornborg. Dollern leeg in de Mairie Stood (Kanton Stood). 1813 müssen de Franzosen dat Rebeed denn opgeven un de ole Stand is wedderkamen.
Dör en Rezess mit de Gerichtsherrn von dat Patrimonialgericht Hornborg is dat Gericht an’n 1. August 1835 von dat Königriek Hannover övernahmen un an’n 24. September 1835 förmlich övergeven worrn un is dormit denn en Königlich Gericht ween.[1]
To’n 1. Januar 1847 is de Dörpschop Dullern von dat Amt Harsfeld in dat Gericht Hornborg wesselt.[2]
1848 weer dat Gericht so 12,22 km²[3] groot.
Bi de Verwaltungs- un Justizreform an’n 1. Oktober 1852 is dat Gericht Hornborg oplööst un Deel von dat Amt Hornborg worrn.
Öörd Stand 1848[3]
[ännern | Bornkood ännern]| Oort | Lüüd | Hüüs | Aard | Status | |
|---|---|---|---|---|---|
| 1 | Hornborg | 1390 | 196 | Flecken | Gemeen |
| de fiev Eddelgöder in Hornborg un de Slagbeker Mahl- un Poppeermöhl | 157 | 18 | Eddelgood | ahn Gemeen | |
| 2 | Daudiek | 39 | 4 | Landgood | Goodsverband |
| 3 | Dollern mit de Kolonie Rüstjermoor | 269 | 29 | Dörp | Gemeen |
Inwahnertall
[ännern | Bornkood ännern]| Johr | Inwahners |
|---|---|
| 1810[4] | 1.313 Lüüd, 198 Füürsteden |
| 1823[5] | 1.298 Lüüd, 225 Hüüs |
| 1848[3] | 1.855 Lüüd, 247 Hüüs |
Richters
[ännern | Bornkood ännern]- ~1830: Johann Carl Schilling, Hornborg
- ~1840: Gerichtsverwalter Johann Carl Schilling
- ~1850: Amtsassesser Ludewig Kuckuck
Footnoten
[ännern | Bornkood ännern]- ↑ Juristische Zeitung für das Königreich Hannover. Band 11, 1836, Sied 142
- ↑ Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 157
- ↑ a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 144: http://books.google.de/books?id=eOI-AAAAcAAJ&pg=PA144
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137: https://books.google.de/books?id=c24IAAAAQAAJ&pg=PA137
- ↑ Johann G. L. W. Ubbelohde: Statistisches Repertorium über das Königreich Hannover. Hahn, 1823, Sied 86: https://books.google.de/books?id=Rvs-AAAAcAAJ&pg=PA86
