Grevengericht Oolland

Vun Wikipedia
Zur Navigation springen Zur Suche springen

Dat Grevengericht Oolland weer en Gericht un Verwaltungsrebeed in Bremen-Veern un in dat Königriek Hannover mit Seet in Jörk binnen de Landdrostie Stood. Dor hebbt de hüdige Samtgemeen Lüh, de Gemeen Jörk, de Hambörger Stadtdeel Cranz un en Deel von’n Stadtdeel Neefeld tohöört.

In’n Noorden von dat Gericht leeg Holsteen, in’n Oosten op en lütt Enn dat Amt Horborg, in’n Süüdoosten de Gerichten Nincop un Rübk, in’n Süden dat Amt Oold- un Neeklooster, dat Gericht Delm un dat Gericht Hornborg, in’n Westen dat Amt Stood-Gothenborg un in’n Noordwesten de Stadt Stood un dat Grevengericht Bützfleet.

Historie[ännern | Bornkood ännern]

1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Dat Gericht weer in disse Tied opdeelt twüschen den Kanton Jörk un den Kanton Buxthu. 1813 müssen de Franzosen dat Rebeed denn opgeven un de ole Stand is wedderkamen.

1848 weer dat Gericht so 140,47 km²[1] groot.

Bi de Verwaltungs- un Justizreform an’n 1. Oktober 1852 is dat Grevengericht oplööst un Deel von dat Amt Jörk worrn.

Öörd Stand 1848[1][ännern | Bornkood ännern]

Oort Lüüd Hüüs Aard Status
1 Hauptmannschop Hullern mit de Öörd Bachenbrook, Sövenhöven, Hullern, Speersoort un dat enkelte Huus Achterdiek 762 122 Gemeen
Brook 14 1 Eddelgood ahn Gemeen
2 Hauptmannschop Twielenfleet mit de Öörd Bassenfleet, Brunshusen, Melau, Twielenfleet mit de Hullerner Straat, Wöhrn, Sövenhöven, Sandhörn, Mojenhörn, Greundiek un Huttfleet un dat enkelte Huus Symphonie 959 165 Gemeen (utbenahmen dat Good Melau)
3 Hauptmannschop Steenkark mit de Öörd Bachenbrook, Huttfleet, Wetterndörp un Steenkark 1028 149 Gemeen
4 Hauptmannschop Gauderhandviddel mit de Öörd Gauderhandviddel un dat Good Nesshoff 751 115 Gemeen
Bargfreed 37 5 Eddelgood Goodsverband
5 Hauptmannschop Mittelskark mit de Öörd Mittelskark, Mittelskarker Achterdiek un Hogenfeld 930 139 Gemeen
6 Hauptmannschop Neekark mit de Öörd Neekark un Neekarker Achterdiek 718 124 Gemeen
7 Hauptmannschop Loodkup mit den Oort Loodkup (Ooster- un Westerloodkup) 821 135 Gemeen
8 Hauptmannschop Jörk mit de Öörd Jörk (mit Oosterjörk, de Börgeree, dat Zentrum un Westerjörk) un Gehrden 1474 199 Gemeen (utbenahmen dat Good Jörk)
9 Hauptmannschop Bossel mit de Öörd Bossel, Achterbraak, Neenslüüs, Wisch, Lüh, Höhen, Gehrden un Kohlenhusen 1843 272 Gemeen
10 Hauptmannschop Moorenn mit de Öörd Moorenn (mit en Deel von de Börgeree Eestbrügg) un Hoov 976 151 Gemeen
Mönkhoff 14 2 Eddelgood ahn Gemeen
11 Hauptmannschop Königriek mit de Öörd Königriek (mit en Deel von de Börgeree Eestbrügg) un Hoov 1229 181 Gemeen
12 Hauptmannschop Hasselwarder mit de Öörd Hasselwarder, Neefeld, Cranz, Rosengoorn un Veersielen 1890 272 Gemeen
Seehoff 15 2 Vörwark ahn Gemeen
13 Vaagdie Cranz  
Cranz 485 57 Oortschop Gemeen
14 Vaagdie Ooldkloostergericht
Groot Hoov 297 47 Oortschop Gemeen
Finkenriek Oortschop

Inwahnertall[ännern | Bornkood ännern]

Johr Inwahners
1810-00-00 1810[2] 12,325 Lüüd. 2.176 Füürsteden
1823-00-00 1823[3] 13,837 Lüüd. 2.376 Hüüs
1848-00-00 1848[1] 14,243 Lüüd. 2.138 Hüüs

Greven[ännern | Bornkood ännern]

Tweten Greven:

  • 1685–1694: Heino zum Felde
  • 1694–1712: Daniel tho Aspern
  • –1797: Anton Seumnich[4]
  • ~1819: Christoph Barthold Clemens Büttner
  • ~1846: Friedrich Samuel Thiemig

Footnoten[ännern | Bornkood ännern]

  1. a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 143: http://books.google.de/books?id=eOI-AAAAcAAJ&pg=PA143
  2. Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 138: https://books.google.de/books?id=c24IAAAAQAAJ&pg=PA138
  3. Johann G. L. W. Ubbelohde: Statistisches Repertorium über das Königreich Hannover. Hahn, 1823, Sied 86: https://books.google.de/books?id=Rvs-AAAAcAAJ&pg=PA86
  4. Beyträge zur Erläuterung der ältern und neuern Geschichte der Herzogthümer Bremen und Verden. 1798, Band 3, Sied 342