Johann Christian von Düring (1697–1766)

Vun Wikipedia
Zur Navigation springen Zur Suche springen

Johann Christian von Düring (* 13. August 1697 in Hornborg; † 28. Dezember 1766 ok dor) weer en düütschen Aadligen.

Von Düring is 1697 in Hornborg as Söhn von Margaretha, borene von Grothaus, un Adolph Friedrich von Düring boren. He weer Borgmann von Hornborg. Mit 14 is he in’n holsteenschen Kriegsdeenst gahn un later in’n sweedschen Kriegsdeenst wesselt. He hett dat bet to’n Generaladjutant bröcht un hett in’n Groten Noordschen Krieg fuchten. As König Karl XII. bi Fredrikshald fullen is weer von Düring ganz in de Neegd. Na dissen Vörfall hett he sik ut’n Kriegsdeenst trüggtagen un hett anfungen, de Verwaltung över sien Göder in de Hertogdömer Bremen un Veern to övernehmen. 1729 hett de Ridderschop em to’n Landraad maakt. Von 1736 bet 1752 weer he Greev in dat Grevengericht Oolland.

He weer von 1752 bet to sien Dood 1766 Präsident von de Ridderschop von dat Hertogdom Bremen.

Von Düring weer dree Maal verheiraadt. Dat eerste Maal hett he an’n 15. Juli 1730 in Hornborg Anna Hedwig Magdalene von Rumohr freet (een Söhn, een Dochter) un dat twete Maal 1736 Anna Magdalena von Rantzau (twee Söhns). De drüdde Eh weer denn mit Anna Dorothea, borene Gräfin von Rantzau-Rastörp (1719-1797). De beiden hebbt an’n 30. März 1738 in Hornborg freet. Se harrn fiev Söhns un söss Döchter.