Landraad (Ridderschop)

Vun Wikipedia
Zur Navigation springen Zur Suche springen

Landraad weer en Amt bi de Verwaltung von de Ridderschoppen/Landschoppen in dat Königriek Hannover.

Breemsche Landschop[ännern | Bornkood ännern]

De Breemsche Landschop (Ridderschop von dat Hartogdom Bremen) in dat fröhere Hartogdom Bremen weer indeelt in söss Zirkels.[1]

In jeden von de söss Zirkels hett dat een Landraad geven. De Landraad müss in sien Zirkel en Eddelgood hebben un dor ok würklich wahnen.[1] De Landrääd sünd von de Maten von de Ridderschop dör Mehrheit von de Stimmen wählt worrn.[2] De Ridderschop hett jem denn bi de Regerung präsenteert un de Regerung hett jem ünner Eed nahmen.[2] Na dat Königliche Reskript von’n 14. Februarjul./ 25. Februar 1727greg. stünnen de Landrääd op de sülve Ebene as en Brigadier.[2]

Nadem de Sweden 1648 dat Hartogdom Bremen övernahmen harrn, sünd en Reeg Lüüd nee mit Göder belehnt worrn. Düsse Neebelehnten stünnen in Kunflikt mit’n breemschen Ooradel. 1664 hebbt sik de Neebelehnten un de Ooradel eenigt. Dat hett twee tosätzliche Landrääd geven, de ut de Neebelehnten besett worrn sünd. Dat hett aver blots bet to de Grote Redukschoon von 1680 duurt, as en Reeg von de ne’en Lehn wedder intagen worrn sünd. Na 1680 hett dat denn wedder söss Landrääd geven.[2]

Calenbergsche Landschop[ännern | Bornkood ännern]

De Calenbergsche Landschop weer indeelt in veer Quartiers.[1] Bi de Versammlungen von de Landschop harrn dat Lauenausche un dat Hamelsche Quartier een Landraad tohoop, de annern beiden jeder een Landraad.[1]

Lümbörgsche Landschop[ännern | Bornkood ännern]

De Lümbörgsche Landschop weer indeelt in veer Quartiers, de jeder een Landraad harrn.[1]

Footnoten[ännern | Bornkood ännern]

  1. a b c d e Christoph Barthold Scharf: Statistisch-topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 3ff
  2. a b c d Johann Hinrich Pratje: Vermischte historische Sammlungen. 1845, Band 3, Sied 17ff