Grevengericht Bützfleet

Vun Wikipedia

Dat Grevengericht Keden, Bützfleetschen Deels, weer en Gericht un Verwaltungsrebeed in Bremen-Veern un in dat Königriek Hannover mit Seet in Wischhoben binnen de Landdrostie Stood. Dor hebbt Delen von de hüdigen Gemenen Drochters un Stood tohöört. Dat weren de Kedener Kaspels Aßel, Bützfleet, Drochters un Hamelwöörden.

Geografie[ännern | Bornkood ännern]

In’n Oosten von dat Gericht leeg Holsteen, in’n Süüdoosten dat Grevengericht Oolland, in’n Süden de Stadt Stood un dat Amt Stood-Gothenborg, in’n Süüdwesten dat Amt Himmelpoorten un dat Gericht Oosten un in’n Noorden dat Grevengericht Freeborg. Dat Amt Wischhoben, dat ut fiev Delen bestünn, de nich direkt verbunnen weren, leeg verdeelt in un an’n Rand von dat Grevengericht.

Historie[ännern | Bornkood ännern]

1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Dat Gericht weer in disse Tied opdeelt twüschen den Kanton Stood un den Kanton Freeborg. 1813 müssen de Franzosen dat Rebeed denn opgeven un de ole Stand is wedderkamen.

1848 weer dat Gericht so 106,29 km²[1] groot.

Bi de Verwaltungs- un Justizreform an’n 1. Oktober 1852 is dat Grevengericht oplööst un Deel von dat Amt Wischhoben worrn. Blots de Stubbenhoff op dat rechte Över von de Swing is dör en Verordnung von’n 28. September 1852 an dat Amt Jörk kamen un dat Gericht Brunshusen an dat Amt Stood.[2]

Öörd Stand 1848[1][ännern | Bornkood ännern]

Patrimonialgericht Brunshusen
Oort Lüüd Hüüs Aard Status
1 Brunshüser Butendiek 119 15 Oortschop
Kaspelsgericht Bützfleet
Oort Lüüd Hüüs Aard Status
1 Stubbenhoff an dat rechte Över von de Swing (Deel von Brunshusen) 10 4 Hoff
2 Bützfleter Butendiek 46 4 Oortschop
3 Snee un Hörn mit de Oortschoppen Snee, Hörn, dat Gasthuus Övelgünn, dat enkelte Huus Lütjenborg un den Medemhoff (ok Brocklosenbossel nöömt), de een Hoff un dree Riddergöder ümfaat 127 19 Buurschop
4 Götzdörp mit de Oortschop Götzdörp un de enkelten Hööv in dat Götzdörpermoor 308 46 Buurschop
5 Bützfleet mit dat Dörp Bützfleet un de enkelten Hüüs von Horn 600 94 Buurschop
6 Fleet mit de Oortschoppen Fleet un Bossel, de enkelten Hööv in dat Bützfletermoor un twee Eddelhööv in Depenbeek 400 63 Buurschop
7 Abbenfleet mit de Oortschop Abbenfleet 177 37 Buurschop
Kaspelsgericht Aßel
Oort Lüüd Hüüs Aard Status
1 Barnkroog mit de Oortschop Barnkroog un den enkelten Hoff Ringwisch 332 61 Buurschop Gemeen
2 Weth mit de Oortschop Weth un welk Hööv in dat Aßlermoor 213 34 Buurschop
3 Aßel mit de Oortschoppen Aßel, Diekreeg, in’t Feld un welk Hööv in dat Aßlermoor 960 171 Buurschop
4 Ritsch mit de Oortschoppen Ritsch, Diekshörn, Ritscherdörp, Ritscherslüüs, de enkelten Hööv in dat Ritschermoor un den enkelten Hoff Gauensiek 625 98 Buurschop
Kaspelsgericht Drochters
Oort Lüüd Hüüs Aard Status
1 Gauensiek mit de Oortschoppen Drochters un Gauensiek, de enkelten Hööv in dat Gauensiekermoor, welk Hööv in dat Drochtersermoor un de Landgöder Camphoff un Hogenblöcken 1057 157 Buurschop Gemeen
2 Sietwenn mit de Oortschoppen Aschhoorn, Möhlenhoben un Sietwenn un welk Hööv in dat Drochtersermoor 533 78 Buurschop
3 Theisbrügg mit de Oortschoppen Krummenweg un Theisbrügg mit de enkelten Hööv in dat Krummenweger- un Theisbrüggermoor 335 54 Buurschop
4 Nindörp mit de Oortschop Nindörp un de enkelten Hööv in dat Nindörpermoor 335 49 Buurschop
5 Doornbusch mit de Oortschop Doornbusch un de enkelten Hööv in dat Doornbuschermoor 833 129 Buurschop
Kaspelsgericht Hamelwöörn
Oort Lüüd Hüüs Aard Status
1 Wulfsbrook mit de Oortschop Wulfsbrook un de enkelten Hööv in dat Wulfsbrokermoor 191 31 Buurschop Gemeen
2 Hamelwöörn mit de Oortschoppen Olendörp, Hamelwöörn mit de enkelten Hööv in dat Hamelwöörnermoor, de Oortschoppen Holenweg, Hollenwisch, Hollerdiek un Ooldwischhoben mit’n Hoff Köckweg 1113 176 Buurschop

Inwahnertall[ännern | Bornkood ännern]

Johr Inwahners
1810-00-001810[3] 6.508 Lüüd, 1.248 Füürsteden
1823-00-001823[4] 5.339 Lüüd, 1.219 Hüüs
1848-00-001848[1] 8.514 Lüüd, 1.320 Hüüs

Administraters[ännern | Bornkood ännern]

Vör 1746 harr dat Grevengericht jümmer en egen Greev. Nadem aver 1746 Christoph Otto von Düring as Drost in dat Amt Ahlden versett worrn is, is de Amtmann von dat Amt Wischhoben, Andreas Emmen, ok as Greev von dat Grevengericht insett worrn. De beiden Ämter sünd siet disse Tied verbunnen ween un de Greven/Amtlüüd hebbt in Wischhoben seten.

Footnoten[ännern | Bornkood ännern]

  1. a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 144: http://books.google.de/books?id=eOI-AAAAcAAJ&pg=PA144
  2. Hannoversche Gesetzgebung über Staats- und Gemeinde-Verwaltung. Helwing, Hannover 1852, Sied 80a
  3. Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 138: https://books.google.de/books?id=c24IAAAAQAAJ&pg=PA138
  4. Johann G. L. W. Ubbelohde: Statistisches Repertorium über das Königreich Hannover. Hahn, 1823, Sied 86: https://books.google.de/books?id=Rvs-AAAAcAAJ&pg=PA86