Stubbenhoff

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Stubbenhoff
Laag vun Stubbenhoff in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners:
Postleettall: 21683
Vörwahl: 04141
Geograafsche Laag:
Koordinaten:53° 37′ N, 9° 31′ O
53° 37′ N, 9° 31′ O

Stubbenhoff (hoochdüütsch Stubbenhof) is en lütten Oort in de Gemeen Stood in’n Landkreis Stood, Neddersassen. De ole Naam Stubbenhoff is vondaag kuum noch bekannt.

Geografie[ännern | Bornkood ännern]

De Oort liggt in de Masch von de Swing un weer bet in dat 20. Johrhunnert butendieks. Dat Water ut dat Rebeed flütt över de Ne’e Wettern in de Swing.

De Öörd ümto sünd Stodersand in’n Noordoosten, Bassenfleet in’n Süüdoosten, Melau in’n Süden, Wöhrn un de Symphonie in’n Süüdwesten un Brunshusen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Kaspelsgericht Bützfleet in dat Grevengericht Bützfleet tohöört. Dör en Verordnung von’n 28. September 1852 is Stubbenhoff an dat Amt Jörk kamen.[1] Na 1885 weer dat in’n Kreis Jörk, de 1932 Deel von’n Kreis Stood worrn is.

Bet 1852 hett de Oort to de Gemeen Bützfleet tohöört un is denn in de Gemeen Twielenfleet wesselt. Twielenfleet hett den Oort an’n 1. Juli 1972 mit de Gemeenreform in Neddersassen an de Gemeen Stood afgeven.

Inwahnertall[ännern | Bornkood ännern]

Johr Inwahners
1848-00-001848[2] 10 Lüüd. 4 Hüüs
1871-12-011. Dezember 1871[3] 16 Lüüd. 2 Hüüs*
1885-12-011. Dezember 1885[4] 19 Lüüd. 3 Hüüs**
1905-12-011. Dezember 1905[5] 46 Lüüd. 5 Hüüs**
* as Brunshusen
** as Brunshüser Butendiek

Religion[ännern | Bornkood ännern]

Stubbenhoff is evangeelsch-luthersch präägt un höört to dat Kaspel von de Wilhadi-Kark in Stood.

För de Kathoolschen is de Hillig-Geist-Kark in Stood tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Stubbenhoff loopt Straten över dat Swing-Sparrwark na Brunshusen in’n Noorden un in’n Süden na Melau un von dor an de Kreisstraat 32. De K 32 geiht in Bassenfleet in de K 34 över, de na Twielenfleet löppt. In’n Süden geiht de K 32 an de Landsstraat 140 ran, de in’n Süüdoosten över Hullern un Greundiek na Steenkark löppt un in’n Westen an de L 111 un na Stood rin.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so söven Kilometer in’n Süden von Stubbenhoff an de L 111.

De nächste Bahnhoff is so bi fiev Kilometer wied weg in’n Süüdwesten de Bahnhoff Stood an de Nedderelvbahn von Cuxhoben na Hamborg.

Footnoten[ännern | Bornkood ännern]

  1. Hannoversche Gesetzgebung über Staats- und Gemeinde-Verwaltung. Helwing, Hannover 1852, Sied 80a
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 144
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92