Depenbeek

Vun Wikipedia
Zur Navigation springen Zur Suche springen
Wapen/Flagg Koort

Wapen vun Depenbeek

Depenbeek
Laag vun Depenbeek in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners:
Postleettall: 21683
Vörwahl: 04146
Geograafsche Laag:
Koordinaten:53° 40′ N, 9° 27′ O
53° 40′ N, 9° 27′ O

Depenbeek (hoochdüütsch Depenbeck) is en lütten Oort in de Gemeen Stood in’n Landkreis Stood, Neddersassen. De Oort höört polietsch von öllers bi Bützfleet mit bi.

Geografie[ännern | Bornkood ännern]

Depenbeek liggt in de Masch von de Elv in dat Land Keden. Na Süüdwesten to slütt sik dat Kedener Moor an. De Elv liggt knapp dree Kilometer in’n Noordoosten.

De Naveröörd sünd Weth in’n Noorden, Barnkroog in’n Noordoosten, Abbenfleet un Kreuel in’n Oosten, Bossel, Fleet, Bützfleet un Götzdörp in’n Süüdoosten, Hasenwinkel in’n Süden, Bützfletermoor un Aßlermoor in’n Süüdwesten, Ritschermoor in’n Westen un Ritsch un Aßel in’n Noordwesten.

Historie[ännern | Bornkood ännern]

De Oort kummt 1315 as Depenbeke toeerst in de Oorkunnen vör.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Bützfleet in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Depenbeek weer en egen Patrimonialgericht un stünn vör 1846 ünner de Gerichtsborkeit un de Verwaltung von de Stadt Stood. To’n 1. März 1846 hett dat Grevengericht Bützfleet Gerichtsborkeit un Verwaltung övernahmen.[1] Aver al an’n 1. Juni 1846 is dat nochmaal ümännert worrn un Depenbeek is Deel von dat Amt Wischhoben worrn.[2] De Oort Depenbeek hett denn bet 1859 to de Vaagdie Schölisch in dat Amt Wischhoben tohöört. De twee Eddelgöder in Depenbeek weren bet 1852 Deel von dat Grevengericht Bützfleet un sünd in dat Johr 1852 ok an dat Amt Wischhoben gahn. Von 1859 bet 1885 weer Depenbeek in dat Amt Freeborg. Binnen dat Amt Freeborg hett Depenbeek en egen Buurschop billt, to de ok Fleet mit tohöört hett. Na 1885 weer dat in’n Kreis Keden. 1932 is dat Deel von’n Kreis Stood worrn.

De Oort is an’n 1. Juli 1972 as Deel von de Gemeen Bützfleet mit de Gemeenreform in Neddersassen an de Gemeen Stood kamen.

Inwahnertall[ännern | Bornkood ännern]

Johr Inwahners
1791-00-001791[3] 16 Füürsteden*
1824-00-001824[4] 16 Füürsteden*
1871-12-011. Dezember 1871[5] 168 Lüüd. 23 Hüüs*
1885-12-011. Dezember 1885[6] 17 Lüüd. 3 Hüüs**
1905-12-011. Dezember 1905[7] 22 Lüüd. 3 Hüüs**
* kumplette Buurschop
** blots de Oort, nich de kumplette Buurschop

Religion[ännern | Bornkood ännern]

Depenbeek is evangeelsch-luthersch präägt un höört to dat Kaspel von de Nicolai-Kark in Bützfleet.

För de Kathoolschen is de Hillig-Geist-Kark in Stood tostännig.

Weertschop un Infrastruktur[ännern | Bornkood ännern]

För Depenbeek is de freewillige Füürwehr Bützfleet mit tostännig.

Verkehr[ännern | Bornkood ännern]

Depenbeek is över de Depenbeker Straat mit de Kreisstraat 29 in Fleet verbunnen, de in’n Westen na Bützfletermoor geiht un in’n Oosten na Bützfleet an de Landsstraat 111. De L 111 wedder löppt in’n Noordwesten över Aßel un Drochters na Wischhoben un Freeborg un in’n Süden na Stood un an de Bundsstraat 73.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so twölv Kilometer in’n Süüdoosten von Depenbeek an de L 111.

De nächste Bahnhoff is so bi ölven Kilometer wied weg in’n Süden de Bahnhoff Stood an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner ut Depenbeek gaht in Bützfleet op de Grundschool an’t Fleet.

Footnoten[ännern | Bornkood ännern]

  1. Christian H. Ebhardt: Gesetze, Verordnungen und Ausschreiben für das Königreich Hannover. Jänecke, 1851, Sied 157
  2. Juristische Zeitung für das Königreich Hannover. Band 22, 1847, Sied 49
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 54
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 130
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 154
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 93