Aßel

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Aßel (Oterndörp).

Wapen/Flagg Koort

Wapen vun Aßel

Aßel
Laag vun Aßel in Düütschland
Basisdaten
Bundsland: Neddersassen
Landkreis: Stood
Gemeen: Drochters
Flach: 42,2 km²
Inwahners: 3.605 (2011-12-3131. Dezember 2011)
Inwahnerdicht: 85,4 Inwahners pro km²
Postleettall: 21706
Vörwahl: 04148
Geograafsche Laag:
Koordinaten:53° 41′ N, 9° 26′ O
53° 41′ N, 9° 26′ O

Luftbild von Aßel mit de Elv un Swarttünnensand in'n Achtergrund (von Süüdsüüdwesten keken, 2012)

Aßel (hoochdüütsch Assel) is en Dörp in de Gemeen Drochters in’n Landkreis Stood, Neddersassen.

Geografie[ännern | Bornkood ännern]

Aßel liggt op’n Maschrand langs de Elv in’n Noorden mit de Sannen Swarttünnensand, Pagensand un Aßlersand. Na Süüdwesten to slütt sik dat Kedener Moor an.

De Naveröörd sünd Weth un Barnkroog in’n Süüdoosten, Depenbeek, Bützfletermoor, Aßlermoor un Ritschermoor in’n Süden un Ritsch un Drochters in’n Noordwesten.

Historie[ännern | Bornkood ännern]

In de Oorkunnen kummt Aßel toeerst 1061 vör.

De Oort weer vör 1885 Deel von dat Amt Freeborg un weer denn in’n Kreis Keden. 1932 is dat an’n Landkreis Stood kamen.

In’n Düütsch-Franzööschen Krieg sünd negen Soldaten ut Aßel fullen oder vermisst, in’n Eersten Weltkrieg 111 un in’n Tweten 228[1].

Aßel is an’n 1. Juli 1972 bi de Gemeenreform in Neddersassen mit de Gemeen Drochters tohoopleggt worrn.

Inwahnertall[ännern | Bornkood ännern]

Johr Inwahners
1824-00-00 1824[2] 90 Füürsteden
1848-00-00 1848[3] 960 Lüüd. 171 Hüüs
1858-00-00 1858[4] 1.035
1910-12-011. Dezember 1910[5] 2.952
1925-00-00 1925[6] 2.942
1933-00-00 1933[6] 2.832
1939-00-00 1939[6] 3.109
2011-12-3131. Dezember 2011 3.605

Religion[ännern | Bornkood ännern]

Aßel is evangeelsch-luthersch präägt un billt en egen Kaspel mit 2650 Maten. To dat Kaspel höört ok de Öörd Barnkroog, Ritsch, Aßlermoor un Ritschermoor. De Kark is ut de Tied üm 1100 un de Dööpsteen ut dat 13. Johrhunnert.

För de Kathoolschen is de Hillig-Geist-Kark in Stood tostännig.

Börgermeesters[ännern | Bornkood ännern]

Wapen[ännern | Bornkood ännern]

Dat Wapen von Aßel wiest von en sülvern Wellenlien deelt baven links op blauen Grund en sülvern Anker un ünnen rechts op roden Grund dree archäoloogsche Funnen in Gold.

Kultur[ännern | Bornkood ännern]

Denkmaals för de Fullenen ut Aßel ut de Völkerslacht, den Düütsch-Franzööschen Krieg un ut de twee Weltkrieg’ staht bi de Kark. Blangen de Fullenen gedenkt de Steen ok de 36 Verdrevenen, de op de Flucht ut de Oostrebeden ümkamen sünd un de ehr Famielen denn in Aßel ünnerkamen sünd.

In Aßel warrt jümmer andat twete Wekenenn in’n Advent Wiehnachtsmarkt fiert. Den eersten Wiehnachtsmarkt in Aßel hett dat 1988 geven.[7]

Museums[ännern | Bornkood ännern]

As Museum gifft dat de Heimatstuuv von’n Börgervereen Aßel.

Partnerschoppen[ännern | Bornkood ännern]

De Gemeen Aßel harr en Partnerschop mit de Gemeen Rosières en Santerre in Frankriek. Disse Partnerschop hett 1972 de Gemeen Drochters övernahmen.

Sport[ännern | Bornkood ännern]

De VTV Aßel hett sik 1977 mit’n SV Drochters to’n SV Drochters/Aßel tohoopslaten. De Vereen hett in siene besten Tieden 1990/1991 in de Neddersassenliga speelt, wat to de Tied de drüdde Liga wesen is.

De Schützenvereen is 1901 grünnt worrn. Dat Schützenfest is jümmer an’t twete Wekenenn in’n Juli.

Weertschop un Infrastruktur[ännern | Bornkood ännern]

De Volksbank Keden hett in Aßel in de Aßler Straat 36 en Filiaal un de Kreisspoorkass Stood in de Aßler Straat 3.

Verkehr[ännern | Bornkood ännern]

Aßel liggt an de Landsstraat 111, de in’n Süden na Bützfleet un Stood geiht un in’n Noordwesten na Drochters, Wischhoben un Freiborg löppt. En lüttje Straat gifft dat ans noch na Aßlermoor. Na Noorden to is dat Dörp dör de Elv von’n Verkehr afsperrt.

Von 1899 bet 1933 harr dat Dörp ok en Bahnhoff an de Kedener Kreisbahn.

Scholen[ännern | Bornkood ännern]

Aßel hett en Kinnergoorn un mit de Grundschool Aßel en egen Grundschool.

Lüüd[ännern | Bornkood ännern]

De Politikers Erhard Wolfkühler un Kai Seefried sünd in Aßel grootworrn. De Theoloog Johann Henrich von Seelen is 1687 as Söhn von’n Aßler Pastoor Erich Zacharias von Seelen boren worrn.

Footnoten[ännern | Bornkood ännern]

  1. http://www.denkmalprojekt.org/dkm_deutschland/assel_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 26: http://books.google.de/books?id=tG0AAAAAcAAJ&pg=PA26
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 144: http://books.google.de/books?id=eOI-AAAAcAAJ&pg=PA144
  4. Franz Heinrich Ungewitter: Neueste Erdbeschreibung und Staatenkunde. 1858, Sied 419: http://books.google.de/books?id=ZkoNAQAAIAAJ&pg=PA419
  5. http://www.gemeindeverzeichnis.de/gem1900/gem1900.htm?hannover/kehdingen.htm
  6. 6,0 6,1 6,2 http://www.verwaltungsgeschichte.de/stade.html
  7. http://www.vb-kehdingen.de/assel-und-umgebung

Weblenken[ännern | Bornkood ännern]

Commons-logo.svg Aßel. Mehr Biller, Videos oder Audiodateien to’t Thema gifft dat bi Wikimedia Commons.