Bützfletermoor

Vun Wikipedia
Zur Navigation springen Zur Suche springen
Wapen/Flagg Koort

Wapen vun Bützfletermoor

Bützfletermoor
Laag vun Bützfletermoor in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners:
Hööchd: 0 m över NN
Postleettall: 21683
Vörwahl: 04146
Geograafsche Laag:
Koordinaten:53° 39′ N, 9° 26′ O
53° 39′ N, 9° 26′ O

Bützfletermoor (hoochdüütsch Bützflethermoor) is en Oort in de Gemeen Stood in’n Landkreis Stood, Neddersassen.

Geografie[ännern | Bornkood ännern]

De Roodslammdeponie mit Bützfletermoor an de Achterkant (Blick von Westen, 2012)
De Roodslammdeponie mit Bützfletermoor vörn (Blick von Süüdoosten, 2012)

Bützfletermoor liggt in’n Süden von Keden in dat Moor (Kedener Moor). In’n Westen von Bützfletermoor liggt de 1.130 m × 1.525 m grote Roodslammdeponie von dat AOS-Wark in Bützfleet.

De Naveröörd sünd Aßel in’n Noorden, Depenbeek in’n Noordoosten, Bützfleet un Götzdörp in’n Oosten, Stodermoor in’n Süden, Groot-Steernbarg in’n Westen un Ritschermoor un Aßlermoor in’n Noordwesten.

Historie[ännern | Bornkood ännern]

Bützfletermoor is as Moorkolonie un as Stratendörp grünnt worrn.

In’n Eersten Weltkrieg sünd 15 Soldaten ut Bützfletermoor fullen oder vermisst[1].

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Bützfleet in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Bützfletermoor weer vör 1852 opdeelt twüschen dat Kaspelsgericht Bützfleet in dat Grevengericht Bützfleet un de Vaagdie Schölisch von dat Amt Wischhoben. 1852 is dat Grevengericht Bützfleet Deel von dat Amt Wischhoben worrn. De Oort weer aver wieder opdeelt twüschen de Buurschop Fleet un de Gemeen Schölisch. 1859 is dat Amt Wischhoben Deel von dat Amt Freeborg worrn, ut dat 1885 denn de Kreis Keden worrn is. 1932 is dat Deel von’n Kreis Stood worrn.

De twee Delen von’n Oort sünd as Deel von de Gemenen Bützfleet un Schölisch an’n 1. Juli 1972 mit de Gemeenreform in Neddersassen all beid Deel von de Gemeen Stood worrn.

Inwahnertall[ännern | Bornkood ännern]

Johr Inwahners
1824-00-001824[2] 9 Füürsteden

To Bützfleet:

Johr Inwahners
1871-12-011. Dezember 1871[3] 118 Lüüd. 17 Hüüs
1885-12-011. Dezember 1885[4] 236 Lüüd. 34 Hüüs
1905-12-011. Dezember 1905[5] 279 Lüüd. 49 Hüüs

To Schölisch:

Johr Inwahners
1871-12-011. Dezember 1871[6] 58 Lüüd. 11 Hüüs
1885-12-011. Dezember 1885[7] 58 Lüüd. 10 Hüüs

Religion[ännern | Bornkood ännern]

Bützfletermoor is evangeelsch-luthersch präägt un höört to dat Kaspel von de Nicolai-Kark in Bützfleet.

För de Kathoolschen is de Hillig-Geist-Kark in Stood tostännig.

Kultur[ännern | Bornkood ännern]

En Denkmaal för de Fullenen ut Bützfletermoor ut de twee Weltkrieg’ steiht bi de Kark in Bützfleet.

Bruukdom[ännern | Bornkood ännern]

To Neejohr gifft dat dat Neejohrskloppen, bi dat de Lüüd von Huus to Huus gaht, Proost Neejohr wünscht un dor Grog bi drinkt. To Oostern warrt in Bützfletermoor jümmer en Oosterfüür maakt. To Pingsten warrt Maibööm plant.

Weertschop un Infrastruktur[ännern | Bornkood ännern]

Weertschop[ännern | Bornkood ännern]

De Oort is vör allen dör de Bueree präägt. In’n Westen von Bützfletermoor gifft dat en Windpark mit fiev 103 m hoge Windrääd.

Verkehr[ännern | Bornkood ännern]

Bützfletermoor liggt an de Kreisstraat 27, de in’n Süden över Stodermoor na Schölisch geiht un den Oort denn mit Stood verbinnt. De K 27 löppt in’n Noordwesten na Aßlermoor, Ritschermoor, Gauensiekermoor un Drochtersermoor. In’n Oosten geiht de K 29 na Bützfleet. As lüttjere Blangenstraten gifft dat noch den Schoolstieg un de Melkstraat, de aver narms hengaht.

De nächste Bahnhoff is de Bahnhoff Stood an de Nedderelvbahn un so bi negen Kilometer weg.

Scholen[ännern | Bornkood ännern]

De Volksschool hett in de Johren 1960 dichtmaakt. Vondaag gaht de Kinner in Bützfleet op de Grundschool an’t Fleet un in Stood na all de annern Schoolformen.

Footnoten[ännern | Bornkood ännern]

  1. http://www.denkmalprojekt.org/dkm_deutschland/buetzfleth_wk1u2_ns.htm
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 702
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 154
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 93
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152

Weblenken[ännern | Bornkood ännern]

Commons-logo.svg Bützfletermoor. Mehr Biller, Videos oder Audiodateien to’t Thema gifft dat bi Wikimedia Commons.