Gauensiekermoor

Vun Wikipedia
Zur Navigation springen Zur Suche springen
Wapen/Flagg Koort

Wapen vun Gauensiekermoor

Gauensiekermoor
Laag vun Gauensiekermoor in Düütschland
Basisdaten
Bundsland: Neddersassen
Landkreis: Stood
Gemeen: Drochters
Inwahners:
Postleettall: 21706
Vörwahl: 04148
Geograafsche Laag:
Koordinaten:53° 40′ N, 9° 22′ O
53° 40′ N, 9° 22′ O

Gauensiekermoor (hoochdüütsch Gauensiekermoor) is en Oort in de Gemeen Drochters in’n Landkreis Stood, Neddersassen.

Geografie[ännern | Bornkood ännern]

Gauensiekermoor liggt in’t Kedener Moor. In’n Süüdwesten liggt dat Naturschuulrebeed Waterkroger Moor un in’n Süüdoosten Wille sien Heid. Dat Water ut dat Rebeed flütt över Lannern un Vörfloters af na dat Gauensieker Slüsenfleet un in de Wischhobener Süderelv/Kruutsanner Binnenelv.

De Naveröörd sünd Drochters in’n Noorden, Gauensiek, Ritsch un Aßel in’n Noordoosten, Ritschermoor un Aßlermoor in’n Süüdoosten, Groot-Steernbarg in’n Süden, Hammohermoor, Waterkroog un Engelschopp in’n Süüdwesten, Neelannermoor un Neeland in’n Westen un Drochtersermoor, Aschhoornermoor un Aschhoorn in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Grevengericht Bützfleet tohöört un denn von 1852 bet 1859 to dat Amt Wischhoben. Von 1859 bet 1885 weer dat in dat Amt Freeborg un na 1885 in’n Kreis Keden. 1932 is dat Deel von’n Kreis Stood worrn.

Drochtersermoor hett polietsch al von öllers bi Gauensiek un de Gemeen Drochters mit bihöört. De Oort is an’n 1. Juli 1972 mit de Gemeenreform in Neddersassen Deel von de ne’e un noch gröttere Gemeen Drochters worrn.

Religion[ännern | Bornkood ännern]

Gauensiekermoor is evangeelsch-luthersch präägt un höört to dat Kaspel von de Johannis- un Katharinen-Kark in Drochters.

För de Kathoolschen is de Hillig-Geist-Kark in Stood tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Gauensiekermoor löppt de Kreisstraat 27, de in’n Noorden na Drochters an de Landsstraat 111 ran geiht un in’n Süüdoosten över de Moordörper un Schölisch na Stood an de Freebörger Straat ran.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so 18 Kilometer in’n Süüdoosten von Gauensiekermoor an de L 111.

De nächste Bahnhoff is so bi negen Kilometer wied weg in’n Süden de Bahnhoff Hammoh an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner gaht na Grundschool op de Grundschool Aßel un later veel na de Kooperative Gesamtschool Drochters oder op Gymnasium na de Vincent-Lübeck-School in Stood.