Aschhoornermoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21706 | |
| Vörwahl: | 04143 | |
| Geograafsche Laag: | Koordinaten:53° 41′ N, 9° 20′ O53° 41′ N, 9° 20′ O | |
|
| ||
Aschhoornermoor (hoochdüütsch Aschhornermoor) is en lütten Oort in de Gemeen Drochters in’n Landkreis Stood, Neddersassen.
Geografie
[ännern | Bornkood ännern]De Oort liggt in dat Kedener Moor in’n Süden von Land Keden. Dat Water ut dat Rebeed flütt över Gravens na dat Sietwenner Slüsenfleet un in de Wischhobener Süderelv.
De Naveröörd sünd Theisbrüggermoor un Aschhoorn in’n Noorden, Drochters un Ritsch in’n Noordoosten, Drochtersermoor un Gauensiekermoor in’n Süüdoosten, Engelschopp un Neeland mit Neelannermoor in’n Süüdwesten, Grootweurn in’n Westen un Hüll in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1852 to dat Grevengericht Bützfleet tohöört un denn von 1852 bet 1859 to dat Amt Wischhoben. Von 1859 bet 1885 weer dat in dat Amt Freeborg un na 1885 in’n Kreis Keden. 1932 is dat Deel von’n Kreis Stood worrn.
Fröher hett de Oort eerst to de Buurschop Gauensiek un later to de Buurschop Sietwenn höört. Düsse Buurschop is noch later Deel von de Gemeen Drochters worrn.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[1] | 85 Lüüd, 14 Hüüs |
| 1. Dezember 1885[2] | 84 Lüüd, 15 Hüüs |
| 1. Dezember 1905[3] | 82 Lüüd, 14 Hüüs |
Religion
[ännern | Bornkood ännern]Aschhoornermoor is evangeelsch-luthersch präägt un höört to dat Kaspel von de Johannis- un Katharinen-Kark in Drochters.
För de Kathoolschen is de Hillig-Geist-Kark in Stood tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Aschhoornermoor löppt de Kreisstraat 27, de in’n Süüdoosten na Stood geiht un in’n Noordoosten na Drochters an de Landsstraat 111 ran. In’n Noordwesten geiht von de K 27 de K 12 af na de Bundsstraat 495.
De nächste Autobahn is de Autobahn 26 (Afsnidd Stood–Hamborg). De Opfohrten 2 Stood-Süüd (an de B 73) un 3 Stood-Oost (an de L 111) doot knapp 20 Kilometer in’n Süüdoosten von Aschhoornermoor liggen.
De nächste Bahnhoff is so bi teihn Kilometer wied weg in’n Süden de Bahnhoff Hammoh an de Nedderelvbahn von Cuxhoben na Hamborg.
Scholen
[ännern | Bornkood ännern]De Kinner ut’n Oort gaht na de Grundschool Aßel op School.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 154
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 93
