Amt Wischhoben
Dat Amt Wischhoben weer en Verwaltungsrebeed in Bremen-Veern un in dat Königriek Hannover mit Seet in Wischhoben binnen de Landdrostie Stood. Dor hett groff dat Rebeed von de hüdigen Gemenen Drochters un Wischhoben tohöört.
Dat Leid över dat Amt harr en Amtmann, de twete Beamte weer bet 1816 de Amtsschriever.
Geografie
[ännern | Bornkood ännern]Dat Amt bestünn ut fiev Delen, de nich direkt mitenanner verbunnen weren. Twüschen düsse Rebeden leeg dat Grevengericht Bützfleet. In’n Noordoosten leeg Holsteen, in’n Süden dat Grevengericht Oolland, de Stadt Stood un dat Amt Stood un in’n Noordwesten dat Gericht Oosten (Stand 1848).
Historie
[ännern | Bornkood ännern]Bi de Wiehnachtsfloot an’n 24./25. Dezember 1717 is in dat Land Keden de Diek braken. Dat Land Keden kunn de Kösten för de Diekreparaturen nich dregen un hett Kurförst Georg I. dat Land överlaten. Ünner Kurförst Georg II. weer dat Land 1741 denn wedder kumplett indiekt. Dat Land hett nu den Kurförst tohöört un de hett en Amtsverwalter insett. 1746 is ut düt Land denn dat Amt Wischhoben billt worrn. De Amtlüüd weren toglieks aver ok jümmer Greven von dat Grevengericht Bützfleet.
1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Wischhoben weer in disse Tied Deel von de Mairie Hamelwöörn in’n Kanton Freeborg. 1813 müssen de Franzosen dat Amt denn opgeven un de ole Stand is wedderkamen.
1848 weer dat Amt so 55,04 km²[1] groot.
Dat Amt Wischhoben hett bi de Verwaltungs- un Justizreform an’n 1. Oktober 1852 in dat Königriek Hannover ok noch dat Grevengericht Bützfleet tokregen. Dör Verordnung von’n 28. September 1852 hett dat Amt Wischhoben mit de Reform de Öörd Stodermoor un Schölisch un den Dööshoff an dat Amt Stood afgeven.[2]
As Gericht för dat Amt weren von’n 1. Oktober 1852 af an de Amtsgerichten Wischhoben un Bützfleet tostännig.
1859 bi de nächste Verwaltungsreform is dat Amt Wischhoben denn oplööst worrn un keem an dat Amt Freeborg.
Öörd Stand 1848[3]
[ännern | Bornkood ännern]| Oort | Lüüd | Hüüs | Aard | Status | |
|---|---|---|---|---|---|
| 1 | Neeland mit Nee-Wischhoben | 596 | 79 | Oortschop | Gemeen |
| 2 | Neelannermoor | 523 | 81 | Oortschop |
| 1 | Bützfletermoor (Deel) | 358 | 59 | Oortschop | Gemeen |
| 2 | Stodermoor | Oortschop | |||
| 3 | Schölisch | Oortschop | |||
| 4 | Dööshoff | Hoff | |||
| 5 | Hasenwinkel | Hoff | |||
| 6 | Depenbeek | enkelte Hööv | (höört to de Gemeen Bützfleet) |
| Oort | Lüüd | Hüüs | Aard | Status | |
|---|---|---|---|---|---|
| 1 | Bützfletersand | 44 | 3 | Inseloort | ahn Gemeen |
| 2 | Aßlersand | 52 | 5 | Inseloort | ahn Gemeen |
| 3 | Gauensiekersand | 22 | 6 | Inseloort | ahn Gemeen |
| 4 | Kahlesand | 10 | 2 | Insel | ahn Gemeen |
| 5 | Wischhobenersand | 70 | 6 | ahn Gemeen | |
| 6 | Kruutsand | 785 | 92 | Gemeen |
Inwahnertall
[ännern | Bornkood ännern]| Johr | Inwahners |
|---|---|
| 1810[4] | 1.338 Lüüd, 229 Füürsteden |
| 1848[1] | 2.530 Lüüd, 344 Hüüs |
Amtlüüd
[ännern | Bornkood ännern]Dat Amt is in de eerste Tied von Amtsverwalters verwaltet worrn. Andreas Emmen weer de eerste, de den Rang Amtmann harr. Nadem de Greev von dat Grevengericht Bützfleet, Christoph Otto von Düring, 1746 as Drost in dat Amt Ahlden versett worrn is, weer Emmen denn ok för dat Grevengericht mit tostännig. Later is dat denn jümmer so bleven, dat de Amtlüüd ok de Verwaltung in dat Grevengericht övernahmen hebbt.
Amtsverwalters:
- Cornelius Ehler
- Gregorius Blech
- Friederich Hinrich Koch
Amtlüüd:
- –1755: Andreas Emmen
- 1755–1766: Hermann Adolph von der Beck
- 1766–1780: Johann Friedrich Plate
- 1780–1786: Johann Friedrich Keyßler
- 1786–1793: Conrad Heinrich Andreas Hepke
- 1794–1804: Johann Philipp Balck
- 1814–1824: Daniel Kannengießer
- 1824: Amtsassesser Anton Dietrich von Wersebe
- 1825–1831: Amtsassesser Heinrich Wilhelm Julius Schönian
- 1831–1841: Ludwig Erxleben
- 1841–1848: Amtsassesser Friedrich Otto Ludwig Wyneken
- 1848–1859: Ludwig Pagenstecher (bet 1853 Amtsassesser, denn Amtmann)
Footnoten
[ännern | Bornkood ännern]- ↑ a b Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
- ↑ Hannoversche Gesetzgebung über Staats- und Gemeinde-Verwaltung. Helwing, Hannover 1852, Sied 80a
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137: https://books.google.de/books?id=c24IAAAAQAAJ&pg=PA137
Hartogdom Bremen: Stadt Stood | Stadt Buxthu | Stadt Bremervöör | Amt Achem | Amt Beers* | Amt Beverst* | Amt Blomendal | Amt Bremervöör | Amt Dorum | Amt Freeborg | Amt Hagen | Amt Harsfeld | Amt Himmelpoorten | Amt Hornborg* | Amt Jörk | Amt Leendaal | Amt Leh | Amt Lesum* | Amt Neehuus | Amt Oosten | Amt Oosterholt | Amt Otterbarg* | Amt Stood* | Amt Wischhoben* | Amt Zeven
Hartogdom Veern: Stadt Veern | Amt Rodenborg | Amt Snevern* | Amt Veern
Land Hadeln: Stadt Oterndörp | Amt Oterndörp
* bet 1859