Holsteen

Vun Wikipedia
Wesseln na: Navigatschoon, Söök

Holsteen is en Deel vun Sleswig-Holsteen, un twors dat süüdliche Rebeet. Afgrenzt warrt Holsteen in’n Westen un Süüden vun de Nordsee un de Elv, in’n Oosten vun den Ratzeborger See un de Wakenitz, in’n Noorden vun de Eider.

De Naam Holsteen kümmt vun Holcetae, wat de ole Naam vun een vun de dree Sassenstämm in Noordalbingien to Noorden vun de Elv weer to de Tiet as Adam vun Bremen sien Gestae schreev. Översett schreev he: Twedens de Holstener (Holcetae), de so vun de Hölten naamt sünd, woneem se in wahnt. Dör ehr Rebeet geit de Stör (Sturia), de Kark is in Schenefeld (Scanafeld).