Friedrich Otto Ludwig Wyneken

Vun Wikipedia
Zur Navigation springen Zur Suche springen

Friedrich Otto Ludwig Wyneken (* 16. Juni 1805 in Celle;† 17. Mai 1887 in Ilfeld) weer en düütschen Verwaltungsbeamten.

Wyneken is 1805 in Celle boren un in de Wilhadi-Kark in Stood döfft worrn. 1823 weer he Student von de Juristeree an de Universität Göttingen. Na dat Studium is he in’n hannöverschen Verwaltungsdeenst gahn. He weer 1827 Auditer bi dat Amt Willemsborg, 1831 Amtsassesser bi dat Amt Bleikd-Garz un denn bet 1841 as Amtsassesser Hülpsarbeider bi de Landdrostie Lümborg.

Wyneken harr von 1841 bet 1848 as Amtsassesser dat Leid von dat Grevengericht Bützfleet un dat Amt Wischhoben, de all beid in Wischhoben seten hebbt. Von 1848 bet 1863 weer he denn Regerungsraad bi de Landdrostie Ossenbrügge. Tosätzlich weer he ok noch Direkter von dat Kunsistorjen Ossenbrügge.

Von 1863 bet 1867 harr he as Gehemen Regerungsraad dat Leid över dat Amt Hohnstein in Ilfeld.

Wyneken hett an’n 6. Juli 1836 Henriette Auguste Mathilde Lichtenberg (2. April 1807–31. Dezember 1881) freet.[1] De beiden harrn de Kinner Adolf Friedrich August (25. Januar 1840–1914), Erna (23. Oktober 1842–3. Januar 1908), Franz (9. Mai 1844–1912/1913), Arthur Ferdinand Heinrich Victor (23. August 1846–27. September 1919), Richard Friedrich Ferdinand (14. November 1848–16. November 1908), Anny Amalie Caroline Mathilde (* 10. Juni 1851), Paul (as lütt Kind doodbleven) un Paula Wyneken (28. Mai 1852–1937).

Footnoten[ännern | Bornkood ännern]

  1. http://top10.physik.uni-freiburg.de/~mpw/Wynekens/Database/wc02/wc02_154.html