Amtsschriever

Vun Wikipedia
Zur Navigation springen Zur Suche springen

En Amtsschriever is en Beamten, de bi en Amt as Schriever arbeiden deit. De Opgaven weren je na Rebeed verscheden. Deelwies weer dat en reine Arbeid as Sekretär oder Hülpsmann.

In dat Kurförstendom Hannover (bet 1810) weer de Amtsschriever de twete Beamte in en Amt na’n Amtmann. As na de Franzosentied (1810–1813) ut dat fröhere Kurförstendom Hannover dat Königriek Hannover worrn is, hett dat toeerst ok noch wedder Amtsschrievers geven. 1816 is dat Amt von en Amtsschriever aver ümwannelt worrn in dat Amt von en Amtsassesser. De hannöverschen Amtsschrievers weren studeerte Juristen un sünd later faken to Amtlüüd befördert worrn.

In de Swiez is de Amtschriever de eerste Beamte von en Amtschrieveree. De Amtschrievers sünd utbillt Notars. De Opgaven sünd von Kanton to Kanton verscheden, ümfaat aver so Saken as Arvrecht, Hannelsrecht, Sakenrecht un Indrääg in dat Grundbook.