Gauensiek
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21706 | |
| Vörwahl: | 04143 | |
| Geograafsche Laag: | Koordinaten:53° 42′ N, 9° 24′ O53° 42′ N, 9° 24′ O | |
|
| ||
Gauensiek (hoochdüütsch Gauensiek) is en Oort in de Gemeen Drochters in’n Landkreis Stood, Neddersassen, de mit’n Hauptoord Drochters tohoopwussen is.
Geografie
[ännern | Bornkood ännern]
De Oort liggt in Keden un in de Masch in’n Süüdwesten von de ole Wischhobener Süderelv/Gauensieker Süderelv. Von’n Hauptstroom von de Elv is de Oort so bi twee Kilometer af. Na Süüdwesten slütt sik dat Kedener Moor an.
De Naveröörd sünd Gauensiekersand in’n Noorden, Aßlersand in’n Oosten, Ritsch un Aßel in’n Süüdoosten, Ritschermoor in’n Süden, Drochtersermoor in’n Süüdwesten un Drochters in’n Westen.
Historie
[ännern | Bornkood ännern]De Haven von Gauensiek weer över lange Tied temlich wichtig för den Hannel un den Worenümslag in Keden. De Spöölslüüs, de vondaag noch besteiht, is 1843 anleggt worrn. Siet 1990 is de Slüüs as Bodenkmaal schuult.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Drochters in’n Kanton Freeborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to dat Grevengericht Bützfleet tohöört un denn von 1852 bet 1859 to dat Amt Wischhoben. Von 1859 bet 1885 weer dat in dat Amt Freeborg un na 1885 in’n Kreis Keden. 1932 is dat Deel von’n Kreis Stood worrn.
De Oort is al in dat 19. Johrhunnert Deel von de Gemeen Drochters worrn. An’n 1. Juli 1972 sünd de Gemenen Drochters, Hüll un Aßel mit de Gemeenreform in Neddersassen tohoopgahn un hebbt de ne’e un gröttere Gemeen Drochters billt.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[1] | 471 Lüüd, 55 Hüüs |
Religion
[ännern | Bornkood ännern]Gauensiek is evangeelsch-luthersch präägt un höört to dat Kaspel von de Johannis- un Katharinen-Kark in Drochters.
För de Kathoolschen is de Hillig-Geist-Kark in Stood tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Gauensiek liggt an de Landsstraat 111, de ok Obstmarschenweg heet un in’n Süüdoosten över Bützfleet na Stood un in’n Noordwesten na Wischhoben un an de Bundsstraat 495 löppt. Von Ritsch ut löppt de Kreisstraat 28 na Süüdwesten.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 18 Kilometer in’n Süüdoosten von Nindörp an de L 111. Dat gifft Plaans, dat de A 26 bet Drochters wiederboot warrt un dor op de A 20 drippt, de ok noch nich boot is. Dat Dreeeck Drochters schall denn üm un bi twee Kilometer wied weg ween.
De nächste Bahnhoff is so bi 13 Kilometer wied weg in’n Süden de Bahnhoff Hammoh an de Nedderelvbahn von Cuxhoben na Hamborg. Von 1899 bet 1933 harr dat Dörp ok en Bahnhoff an de Kedener Kreisbahn.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136
