Oosterfüer

Vun Wikipedia
(wiederwiest vun Oosterfüür)
Zur Navigation springen Zur Suche springen

Oosterfüür warrt to Oostern ansteken. Dat is en olen Bruuk, den dat al to vörchristliche Tieden geven hett. De Heiden wullen fiern, dat dat Vörjohr noch wedder över’n Winter wunnen hett. Dat weer in wiede Delen vun Europa begäng. Ünner de Christen schull dat en Enn hebben. Doch dat wull nich överall klappen un so müssen se dat Füür christlich ümdüden un hebbt dat denn to Oostern fiert.

Dat is vun Gegend to Gegend un faken vun Dörp to Dörp verscheden, ob dat Füür Sünnavend, Sünndag oder Maandag ansteken warrt.

Dat gifft aver ok noch Gegenden, woneem Füür to annere Tieden as Oostern ansteken warrt. Noordfreesland hett dat Biikebrennen in Februar, bi Fulda kennt se dat Hutzelfeuer an'n eersten Sünndag in’e Fastentiet.

Weblenken[ännern | Bornkood ännern]

Commons-logo.svg Oosterfüer. Mehr Biller, Videos oder Audiodateien to’t Thema gifft dat bi Wikimedia Commons.