Weth

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Weth (Mehrdüdig Begreep).

Wapen/Flagg Koort
hett keen Wapen
Weth
Laag vun Weth in Düütschland
Basisdaten
Bundsland: Neddersassen
Landkreis: Stood
Gemeen: Drochters
Inwahners:
Postleettall: 21706
Vörwahl: 04148
Geograafsche Laag:
Koordinaten:53° 41′ N, 9° 27′ O
53° 41′ N, 9° 27′ O

Weth (hoochdüütsch Wethe) is en Dörp in de Gemeen Drochters in’n Landkreis Stood, Neddersassen.

Geografie[ännern | Bornkood ännern]

Weth liggt in de Masch von de Elv in dat Land Keden. De Elv liggt annerthalv Kilometer in’n Noordoosten. Dicht bi den Oort langs löppt aver de Barnkroger Süderelv.

De Naveröörd sünd Aßlersand in’n Noorden, Barnkroog in’n Oosten, Abbenfleet, Kreuel un Bossel in’n Süüdoosten, Fleet un Depenbeek in’n Süden, Aßlermoor un Ritschermoor in’n Süüdwesten un Aßel un Ritsch in’n Noordwesten.

Historie[ännern | Bornkood ännern]

Weth weer fröher en egenstännig Buurschop. Eerst in dat 19. Johrhunnert is de Oort Deel von de Gemeen Aßel worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Aßel in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Kaspelsgericht Aßel in dat Grevengericht Bützfleet tohöört un denn von 1852 bet 1859 to dat Amt Wischhoben. 1859 is dat Deel von dat Amt Freeborg worrn un weer na 1885 denn in’n Kreis Keden. 1932 is dat Deel von’n Landkreis Stood worrn.

De Oort is as Deel von de Gemeen Aßel an’n 1. Juli 1972 mit de Gemeenreform in Neddersassen an de Gemeen Drochters kamen.

Inwahnertall[ännern | Bornkood ännern]

Johr Inwahners
1791-00-001791[1] 36 Füürsteden
1824-00-001824[2] 36 Füürsteden
1848-00-001848[3] 213 Lüüd. 34 Hüüs
1871-12-011. Dezember 1871[4] 254 Lüüd. 44 Hüüs

Religion[ännern | Bornkood ännern]

Weth is evangeelsch-luthersch präägt un höört to dat Kaspel von de Kark in Aßel.

För de Kathoolschen is de Hillig-Geist-Kark in Stood tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Weth löppt de Landsstraat 111, de in’n Noordwesten över Aßel un Drochters na Wischhoben un Freeborg geiht un in’n Süüdoosten över Bützfleet na Stood an de Bundsstraat 73. Ans gifft dat en lüttjere Straat na Aßlersand in’n Noorden.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so 14 Kilometer in’n Süüdoosten von Weth an de L 111. In Tokumst schall de A 26 bet Drochters wiederboot warrn un dor mit dat Autobahndreeeck Drochters an de A 20 ansluten. Wenn dat so wied is, löppt de A 26 twee Kilometer in’n Süüdwesten an Weth langs.

De nächste Bahnhoff is so bi twölv Kilometer wied weg in’n Süden de Bahnhoff Stood an de Nedderelvbahn von Cuxhoben na Hamborg. Von 1899 bet 1933 harr dat Dörp ok en egen Bahnhoff an de Kedener Kreisbahn.

Scholen[ännern | Bornkood ännern]

De Kinner gaht na Grundschool op de Grundschool Aßel un later veel na de Kooperative Gesamtschool Drochters oder op Gymnasium na de Vincent-Lübeck-School in Stood.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 248
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 660
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 144
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138