Mairie Aßel
De Mairie Aßel weer in de Franzosentied (1810 bet 1813) een von de dree Mairien, in de de Kanton Stood indeelt weer. De Seet weer in Aßel. Se harr 1758 Inwahners.[1]
Historie
[ännern | Bornkood ännern]De Ümgegend von Aßel hett vör de Franzosentied to dat Grevengericht Bützfleet in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Aßel een von de söss Mairien in’n Kanton Drochters von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Aßel weer nu een von de dree Mairien in’n Kanton Stood, Distrikt Stood, Departement von de Elvmünnen. De Grenzen von de Mairie hebbt sik dorbi nich ännert.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
[ännern | Bornkood ännern]Dor hebbt düsse Öörd tohöört:
- Königriek Westfalen:[2]
- Aßel, Diekshörn, Ritscherslüüs, Diekreeg, Ritsch, in’t Feld, Butendiek, Weth, Barnkroog, Ringwischmoor, Aßlersand
- Kaiserriek Frankriek:[1]
- Aßel, Diekshörn, Ritscherslüüs, Diekreeg, Ritsch, in’t Feld, Butendiek, Weth, Barnkroog, Ringwischmoor, Aßlersand (tohoop 1758 Inwahners)
Vondaag sünd düsse Öörd Deel von de Gemeen Drochters.
Footnoten
[ännern | Bornkood ännern]- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 63
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 7