Kreuel

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Kreuel
Laag vun Kreuel in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners:
Postleettall: 21683
Vörwahl: 04146
Geograafsche Laag:
Koordinaten:53° 40′ N, 9° 29′ O
53° 40′ N, 9° 29′ O

Kreuel (hoochdüütsch Kreuel) is en Oort in de Gemeen Stood in’n Landkreis Stood, Neddersassen.

Geografie[ännern | Bornkood ännern]

Kreuel liggt in Keden, en knappen Kilometer af von de ole Bützfleter Süderelv un Bützfletersand. Bi Kreuel doot Abbenfleter Slüsenfleet, Bützfleter Kanaal un Hörn-Götzdörper Kanaal in de Bützfleter Süderelv münnen.

De Naveröörd sünd Abbenfleet mit Graueroort in’n Noordoosten, Bützfleet in’n Süden, Bossel in’n Westen un Depenbeek un Barnkroog in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort höört polietsch von öllers bi de Buurschop Fleet mit bi. In de Tied üm de Johrhunnertwenn to dat 20. Johrhunnert is de Buurschop Fleet Deel von de Gemeen Bützfleet worrn, de sik in ehren Ümfang na dat Kaspel von de Nicolai-Kark richten dee.

De Oort hett vör 1852 to dat Grevengericht Bützfleet tohöört un denn von 1852 bet 1885 to dat Amt Wischhoben. Na 1885 weer dat in’n Kreis Keden. 1932 is dat Deel von’n Kreis Stood worrn.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 35 Lüüd. 6 Hüüs

Religion[ännern | Bornkood ännern]

Kreuel is evangeelsch-luthersch präägt un höört to dat Kaspel von de Nicolai-Kark in Bützfleet.

För de Kathoolschen is de Hillig-Geist-Kark in Stood tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Kreuel löppt de Landsstraat 111, de in’n Noordwesten över Aßel un Drochters na Wischhoben un Freeborg geiht un in’n Süden na Bützfleet un bi Stood an de Bundsstraat 73 un Autobahn 26 ran.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so ölven Kilometer in’n Süden von Kreuel.

De nächste Bahnhoff is so bi negen Kilometer wied weg in’n Süden de Bahnhoff Stood an de Nedderelvbahn.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136: https://books.google.de/books?id=qTZDAQAAMAAJ&pg=RA2-PA136