Hörn-Götzdörper Kanaal

Vun Wikipedia
Zur Navigation springen Zur Suche springen

De Hörn-Götzdörper Kanaal is en 9,230 Kilometer[1] langen Waterloop in’n Noorden von de Stadt Stood. De Kanaal liggt in’n Süden von Keden un hett de Opgaav, dat Water ut de Ümgegend aftoföhren, de as Deel von dat Kedener Moor (in Randlaag na de Masch) temlich natt is. De Kanaal verbinnt de Swing un de Bützfleter Süderelv.

De süüdlichste Punkt is bi Hörn an de Swing (güntsied de Symphonie). Von dor löppt de Kanaal na Noordoosten ünner de Freebörger Straat dör, an Brocklosenbossel langs un twüschen Schölisch un Snee dör. In’n Noorden von Schölisch geiht de Kreisstraat 31 mit en Brügg över’n Kanaal. Bi dat Good Driftblock dreiht de Verloop toeerst na Noorden un denn bi Hasenwinkel na Noordoosten un billt so en groten Bagen üm Götzdörp rüm. In’n Westen von Götzdörp münnt de Röhrwettern in’n Hörn-Götzdörper Kanaal, de Water von Stodermoor herbringt. Denn flütt de Kanaal dör Bützfleet (de Fleetweg, de L 111 un twee Footweeg gaht dor mit Brüggen över’n Kanaal) un münnt in’n Oosten von Kreuel un Süden von Abbenfleet in de Bützfleter Süderelv, de een Kilometer in’n Noordoosten in’n Hauptstroom von de Elv flütt. Güntsiet de Münn von’n Kanaal liggt Bützfletersand.

För dat Instandhollen von’n Kanaal is de Ünnerhollungsverband Keden tostännig.

Footnoten[ännern | Bornkood ännern]

  1. Ünnerhollungsverband Keden


Koordinaten:53° 38′ N, 9° 27′ O