Hörn (Gemeen Stood)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hörn
Laag vun Hörn in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners:
Postleettall: 21683
Vörwahl: 04141
Geograafsche Laag:
Koordinaten:53° 37′ N, 9° 30′ O
53° 37′ N, 9° 30′ O

Hörn (hoochdüütsch Hörne) is en Oort in de Gemeen Stood in’n Landkreis Stood, Neddersassen.

Geografie[ännern | Bornkood ännern]

Hörn liggt in de Masch von de Elv un de Swing. Fröher leeg in Hörn de Dieklien an de Elv langs, Stodersand un Bützfletersand harrn keen Dieken. Na de Stormflood von 1962 is de ne’e Hauptdiek aver op Stodersand boot worrn un de Dieklien liggt nu twee Kilometer in’n Noordoosten. En beten in’n Süden von Hörn münnt de Hörn-Götzdörper Kanaal in de Swing.

De Naveröörd sünd dat fröhere Bützfletersand, Brunshusen un Stodersand in’n Noordoosten, Bassenfleet, Melau, Wöhrn un Speersoort in’n Süüdoosten, Stood in’n Süüdwesten, Schölisch in’n Westen un Snee un Götzdörp in’n Noordwesten.

Historie[ännern | Bornkood ännern]

Hörn kummt 1347 as opper Horne toeerst in de Oorkunnen vör.

In’n Eersten Weltkrieg sünd dree Soldaten ut Snee un Hörn fullen oder vermisst.[1]

De Oort besteiht vondaag kumplett ut en Gewarvrebeed, de Wahnhüüs sünd bilütten verdrängt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Bützfleet in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Kaspelsgericht Bützfleet von dat Grevengericht Bützfleet tohöört un denn von 1852 bet 1859 to dat Amt Wischhoben. 1859 is dat Deel von dat Amt Freeborg worrn un na 1885 weer dat in’n Kreis Keden. 1932 is dat Deel von’n Kreis Stood worrn.

Later is Hörn an de Stadt Stood kamen.

Inwahnertall[ännern | Bornkood ännern]

Johr Inwahners
1871-12-011. Dezember 1871[2] 46 Lüüd. 9 Hüüs
In Statistiken vör 1871 sünd Hörn un Snee mehrstendeels tohooptellt worrn. För de Tallen kiek bi Snee.

Religion[ännern | Bornkood ännern]

Hörn is evangeelsch-luthersch präägt un höört to dat Kaspel von de Cosmae-Kark in Stood. Fröher hett de Oort to de Wilhadi-Kark in Stood tohöört.

För de Kathoolschen is de Hillig-Geist-Kark in Stood tostännig.

Kultur[ännern | Bornkood ännern]

En Denkmaal för de Hörner Fullenen ut de twee Weltkrieg’ steiht bi de Nicolai-Kark in Bützfleet.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Hörn löppt de Landsstraat 111, de in’n Noordwesten över Bützfleet un Drochters na Freeborg geiht un in’n Süüdwesten an de Bundsstraat 73 ran. In’n Süüdwesten geiht de Freebörger Straat na de Binnenstadt von Stood un in’n Noordoosten de Stoder Elvstraat na Brunshusen un Stodersand.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so fiev Kilometer in’n Süüdoosten von Hörn an de L 111.

De nächste Bahnhoff is so bi veer Kilometer wied weg in’n Süüdwesten de Bahnhoff Stood an de Nedderelvbahn von Cuxhoben na Hamborg. Von 1899 bet 1933 harr de Oort ok en egen Bahnhoff an de Kedener Kreisbahn.

Footnoten[ännern | Bornkood ännern]

  1. http://www.denkmalprojekt.org/dkm_deutschland/buetzfleth_wk1u2_ns.htm
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137