SV Drochters/Aßel

Vun Wikipedia
Zur Navigation springen Zur Suche springen
Trikots
Trikotklören
Trikotklören
Trikotklören
Trikotklören
Trikotklören
Tohuus
Trikotklören
Trikotklören
Trikotklören
Trikotklören
Trikotklören
Utwards

De SV Drochters/Aßel e.V. (Speelvereenigung) is en Footballvereen in de neddersassischen Gemeen Drochters, de sik an’n 19. April 1977 billt hett, as sik de Vereens TVG Drochters un VTV Aßel tohoopslaten hebbt. Präsident is Rigo Gooßen.

De SV Drochters/Aßel speelt in dat Kedener Stadion in Drochters. Dat Stadion hett Platz för 2.500 Lüüd.

Historie[ännern | Bornkood ännern]

An’n 17. April 1974 hett dat den eersten Versöök geven, en Speelgemeenschop ut de Vereens Turnvereen Germania Drochters un Vereenigte Turnvereens Aßel to billen. En Verdrag weer al opsett. In Drochters hebbt se den Verdrag tostimmt, Aßel hett em denn aver doch aflehnt. In de Saison 1974/1975 hett denn liekers en gemeensame Mannschopt ut A-Jugendliche von de beiden Vereens as JSG Süüdkeden an de Spelen in de Bezirksliga deelnahmen. Dat leeg dor an, dat nich noog Lüüd dor weren. An’n 15. Juli 1975 sünd denn de Jugendafdeels von de beiden Vereens to de JSG Drochters/Aßel tohoopslaten worrn, üm de Jugendförderung to verbetern. Nadem se in’t Vörjohr 1977 wedder neet verhannelt hebbt, hebbt an’n 19. April 1977 de beiden Vereens tostimmt, dat se sik to de SV Drochters/Aßel tohoopsluten doot.

Aßel weer in de Saison vörher opstegen. Dorüm hett de Speelvereenigung in de Saison 1977/1978 in de Bezirksklass speelt. 1985 sünd se opstegen in de Bezirksliga. 1987 is de SV Drochters/Aßel wedder opstegen. Nu in de Bezirksoberliga Lümborg. 1990 kemen se denn sogor in de föfftklassige Landsliga Oost. Dat hett aver man een Johr duurt, denn sünd se wedder in de Bezirksoberliga afstegen. 1997 is de Vereen in de Bezirksliga afstegen.

De Vereen is 2001 denn in de Landsliga opstegen un 2005 in de Neddersassenliga Oost, de to disse Tied föfftklassig weer. Von 2008 af an hebbt se denn in de Böverliga Neddersassen speelt, ut de se 2011 aver wedder afstegen sünd. 2012 sünd se denn glieks wedder opstegen. 2015 is de Vereen in de Regionalliga Noord opstegen.

Saisons[ännern | Bornkood ännern]

Saison Ligaebene Naam Liga Platz
1979–1980 8. Bezirksklass Lümborg 4 4.
1980–1981 8. Bezirksklass Lümborg 5 3.
1981–1982 8. Bezirksklass Lümborg 6 7.
1982–1983 8. Bezirksklass Lümborg 7 9.
1983–1984 8. Bezirksklass Lümborg 8 4.
1984–1985 8. Bezirksklass Lümborg 9 1.
1985–1986 7. Bezirksliga Lümborg West 4.
1986–1987 7. Bezirksliga Lümborg Wes 1.
1987–1988 6. Bezirksböverliga Lümborg 4.
1988–1989 6. Bezirksböverliga Lümborg 2.
1989–1990 6. Bezirksböverliga Lümborg 1.
1990–1991 5. Landsliga Neddersassen Oost 16.
1991–1992 6. Bezirksböverliga Lümborg 8.
1992–1993 6. Bezirksböverliga Lümborg 3.
1993–1994 6. Bezirksböverliga Lümborg 3.
1994–1995 6. Landsliga Lümborg 8.
1995–1996 6. Landsliga Lümborg 9.
1996–1997 6. Landsliga Lümborg 14.
1997–1998 7. Bezirksliga Lümborg West 4.
1998–1999 7. Bezirksliga Lümborg West 2.
1999–2000 7. Bezirksliga Lümborg West 5.
2000–2001 7. Bezirksliga Lümborg West 1.
2001–2002 6. Landsliga Lümborg 8.
2002–2003 6. Landsliga Lümborg 10.
2003–2004 6. Landsliga Lümborg 11.
2004–2005 6. Landsliga Lümborg 2.
2005–2006 5. Verbandsliga Neddersassen Oost 12.
2006–2007 5. Verbandsliga Neddersassen Oost 9.
2007–2008 5. Verbandsliga Neddersassen Oost 9.
2008–2009 5. Böverliga Neddersassen Oost 6.
2009–2010 5. Böverliga Neddersassen Oost 4.
2010–2011 5. Böverliga Neddersassen 17.
2011–2012 6. Landsliga Lümborg 1.
2012–2013 5. Böverliga Neddersassen 5.
2013–2014 5. Böverliga Neddersassen 6.
2014–2015 5. Böverliga Neddersassen 1.
2015–2016 4. Regionalliga Noord

Weblenken[ännern | Bornkood ännern]