Hamelwöörden
| Wapen/Flagg | Koort | |
|---|---|---|
 |
| |
| Basisdaten | ||
| ||
| Inwahners: | ||
| Postleettall: | 21737 | |
| Vörwahl: | 04770 | |
| Geograafsche Laag: | Koordinaten:53° 48′ N, 9° 20′ O53° 48′ N, 9° 20′ O | |
|
| ||
Hamelwöörden (hoochdüütsch Hamelwörden) is en Dörp in de Gemeen Wischhoben (Samtgemeen Noordkeden) in’n Landkreis Stood, Neddersassen.
Historie[ännern | Bornkood ännern]
De Oort kummt 1311 toeerst in de Oorkunnen vör.
De Oort weer vör 1885 Deel von dat Amt Freeborg un weer denn in’n Kreis Keden. 1932 is dat an’n Landkreis Stood kamen.
In’n Tweten Weltkrieg sünd 124 Soldaten ut Hamelwöörden fullen oder vermisst[1].
Religion[ännern | Bornkood ännern]
Hamelwöörden is traditionell evangeelsch-luthersch präägt un is mit de Dionysius-Kark en egen Kaspel binnen den Karkenkreis Stood von de Landskark Hannover.
In de evangeelsche St.-Dionys-Kark steiht en Örgel von Johann Georg Wilhelm Wilhelmy ut dat Johr 1843, de 1934 von Furtwängler & Hammer un in dree Etappen 1999, 2005 un 2009 von Alexander Schuke reneveert worrn is.
För de Kathoolschen is de Hillig-Geist-Kark in Stood tostännig.
Inwahnertall[ännern | Bornkood ännern]
| Johr | Inwahners |
|---|---|
| 1824[2] | 18 Füürsteden* |
| 1848[3] | 1.113 Lüüd, 176 Hüüs |
| 1910[4] | 1.483 |
| 1925[5] | 1.366 |
| 1933[5] | 2.630 |
| 1939[5] | 2.563 |
* de Tall von 1824 gellt bloot för den Oort Hamelwöörden sülvs, de annern Tallen för de ganze Buurschop
Kultur[ännern | Bornkood ännern]
En Denkmaal för de Fullenen ut de twee Weltkrieg’ steiht bi de Kapell an’n Karkhoff.
Verkehr[ännern | Bornkood ännern]
Hamelwöörden liggt an de Landsstraat 111. Över disse Straat is de Oort mit Wischhoben in’n Süden un Freeborg in’n Noorden verbunnen. In’n Süden is de L 111 mit de Bundsstraat 495 verbunnen, de na Oosten an de Elv ran löppt un op de Elvfähr Wischhoben.
Von 1899 bet 1933 harr de Oort en Bahnhoff an de Kedener Kreisbahn.
Lüüd[ännern | Bornkood ännern]
De plattdüütsche Schriever Heinrich Schmidt-Barrien weer in Hamelwöörden op de Volksschool.
Literatur[ännern | Bornkood ännern]
- Heinrich Schmidt-Barrien: Aus meinen Jungensjahren. Uthlede, Hamelwörden und Barrien. 1902-1917. Heid 1992, ISBN 3-8042-0572-0
Footnoten[ännern | Bornkood ännern]
- ↑ http://www.denkmalprojekt.org/dkm_deutschland/hamelwoerden_wk2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 238: http://books.google.de/books?id=tG0AAAAAcAAJ&pg=PA238
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 145: http://books.google.de/books?id=eOI-AAAAcAAJ&pg=PA145
- ↑ http://www.gemeindeverzeichnis.de/gem1900/gem1900.htm?hannover/kehdingen.htm
- ↑ a b c http://www.verwaltungsgeschichte.de/stade.html
