Wulfsbrook (Landkreis Stood)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Wulfsbrook
Laag vun Wulfsbrook in Düütschland
Basisdaten
Bundsland: Neddersassen
Landkreis: Stood
Samtgemeen: Noordkeden
Gemeen: Wischhoben
Inwahners:
Postleettall: 21737
Vörwahl: 04770
Geograafsche Laag:
Koordinaten:53° 45′ N, 9° 20′ O
53° 45′ N, 9° 20′ O

Wulfsbrook (hoochdüütsch Wolfsbruch) is en Oort in de Gemeen Wischhoben (Samtgemeen Noordkeden) in’n Landkreis Stood, Neddersassen.

Geografie[ännern | Bornkood ännern]

De Oort liggt in de Masch von de Ünnerelv in Land Keden. Dat Water ut dat Rebeed flütt över dat Wulfsbroker Fleet na de Wischhobener Süderelv. De Süderelv is dör dat Eiland Kruutsand von’n Hauptstroom von de Elv aftrennt, de so dree Kilometer wied weg is.

De Naveröörd sünd Neeland in’n Noorden, Kahlesand in’n Noordoosten, Kruutsand in’n Oosten, Doornbusch in’n Süüdoosten, Doornbuschermoor in’n Süden, Wulfsbrokermoor in’n Westen un Neelannermoor in’n Noordwesten.

Historie[ännern | Bornkood ännern]

Von dat öllere Wulfsbrook ut is later de Moorkolonie Wulfsbrokermoor grünnt worrn.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Hamelwöörden in’n Kanton Drochters höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Hamelwöörden in’n Kanton Freeborg.

De Oort weer vör 1852 Deel von dat Kaspelsgericht Hamelwöörn in dat Grevengericht Bützfleet un hett von 1852 bet 1859 to dat Amt Wischhoben höört. Von 1859 bet 1885 weer de Oort in dat Amt Freeborg un denn in’n Kreis Keden. 1932 is dat an’n Kreis Stood kamen.

De Oort hett fröher en Buurschop billt, de later Deel von de Gemeen Hamelwöörden worrn is. Siet 1962 driggt de Gemeen Hamelwöörden den Naam Gemeen Wischhoben.

Inwahnertall[ännern | Bornkood ännern]

Buurschop Wulfsbrook:

Johr Inwahners
1791-00-001791[1] 30 Füürsteden
1824-00-001824[2] 30 Füürsteden
1848-00-001848[3] 191 Lüüd. 31 Hüüs
1871-12-011. Dezember 1871[4] 186 Lüüd. 32 Hüüs
1885-12-011. Dezember 1885[5] 212 Lüüd. 35 Hüüs

Oort Wulfsbrook:

Johr Inwahners
1791-00-001791[6] 7 Füürsteden
1824-00-001824[7] 7 Füürsteden
1871-12-011. Dezember 1871[8] 35 Lüüd. 4 Hüüs
1885-12-011. Dezember 1885[9] 53 Lüüd. 6 Hüüs
1905-12-011. Dezember 1905[10] 36 Lüüd. 4 Hüüs

Religion[ännern | Bornkood ännern]

Wulfsbrook is evangeelsch-luthersch präägt un höört to dat Kaspel von de Dionysius-Kark in Hamelwöörden.

För de Kathoolschen is de Hillig-Geist-Kark in Stood tostännig.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Wulfsbrook is an’n 17. Februar 1924 grünnt worrn.

Weertschop un Infrastruktur[ännern | Bornkood ännern]

För Wulfsbrook is de freewillige Füürwehr Wischhoben mit tostännig.

Verkehr[ännern | Bornkood ännern]

Dör Wulfsbrook löppt de Landsstraat 111, de in’n Süüdoosten över Doornbusch un Drochters na Stood geiht un de dicht bi Wulfsbrook in’n Noordwesten in de Bundsstraat 495 münnt. De B 495 föhrt in’n Noorden na Wischhoben un na de Elvfähr Wischhoben–Glückstadt un in’n Süüdwesten na Hemmoor/Basbeek/Warstood an de B 73.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so 25 Kilometer in’n Süüdoosten von Wulfsbrook an de L 111.

De nächste Bahnhoff is so bi 15 Kilometer wied weg in’n Süüdwesten de Bahnhoff Hemmoor an de Nedderelvbahn von Cuxhoben na Hamborg. Von 1899 bet 1933 hett dat dichtbi in Neeland en Bahnhoff an de Kedener Kreisbahn geven.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 256
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 680
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 145
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155
  6. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 256
  7. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 680
  8. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138
  9. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155
  10. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 93