Nindörp (Drochters)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21706 | |
| Vörwahl: | 04143 | |
| Geograafsche Laag: | Koordinaten:53° 43′ N, 9° 22′ O53° 43′ N, 9° 22′ O | |
|
| ||
Nindörp (hoochdüütsch Nindorf) is en Dörp in de Gemeen Drochters in’n Landkreis Stood, Neddersassen.
Geografie
[ännern | Bornkood ännern]Dat Dörp liggt in Keden un in de Masch in’n Süüdwesten von de ole Wischhobener Süderelv un de Elvinsel Kruutsand. Von de richtige Elv is de Oort so bi dree Kilometer af. Na Süüdwesten slütt sik dat Kedener Moor an.
De Naveröörd sünd Doornbusch in’n Noordwesten, Kruutsand in’n Noorden, Gauensiekersand in’n Oosten, Theisbrügg un Drochters in’n Süüdoosten, Theisbrüggermoor un Aschhoorn in’n Süüdwesten un Doornbuschermoor in’n Westen.
Historie
[ännern | Bornkood ännern]Nindörp kummt 1124 as Nendorp toeerst in en Oorkunn von Rudolf I. vör, de Land in dat Dörp an dat Klooster Harsfeld schenkt hett.[1] 1289 kummt de Oort wedder in de Oorkunnen vör, as he Deel von dat Kaspel Drochters warrt.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Drochters in’n Kanton Freeborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to dat Grevengericht Bützfleet tohöört un denn von 1852 bet 1859 to dat Amt Wischhoben. Von 1859 bet 1885 weer dat in dat Amt Freeborg un na 1885 in’n Kreis Keden. 1932 is dat Deel von’n Kreis Stood worrn.
De Oort is al in dat 19. Johrhunnert Deel von de Gemeen Drochters worrn. An’n 1. Juli 1972 sünd de Gemenen Drochters, Hüll un Aßel mit de Gemeenreform in Neddersassen tohoopgahn un hebbt de ne’e un gröttere Gemeen Drochters billt.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 1 Füürsteed |
| 1824[3] | 1 Füürsteed |
| 1848[4] | 335 Lüüd, 49 Hüüs |
| 1858[5] | 349 |
| 1. Dezember 1871[6] | 221 Lüüd, 35 Hüüs |
Religion
[ännern | Bornkood ännern]Nindörp is evangeelsch-luthersch präägt un höört to dat Kaspel von de Johannis- un Katharinen-Kark in Drochters.
För de Kathoolschen is de Hillig-Geist-Kark in Stood tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Nindörp liggt an de Landsstraat 111, de ok Obstmarschenweg heet un in’n Süüdoosten över Drochters na Stood un in’n Noordwesten na Wischhoben un an de Bundsstraat 495 löppt. In’n Süüdwesten löppt de Kreisstraat 27 na Doornbuschermoor.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 21 Kilometer in’n Süüdoosten von Nindörp an de L 111. Dat gifft Plaans, dat de A 26 bet Drochters wiederboot warrt un dor op de A 20 drippt, de ok noch nich boot is. Dat Dreeeck Drochters schall denn üm un bi fiev Kilometer wied weg ween.
De nächste Bahnhoff is so bi 16 Kilometer wied weg in’n Süden de Bahnhoff Hammoh an de Nedderelvbahn von Cuxhoben na Hamborg. Von 1899 bet 1933 harr dat Dörp ok en Bahnhoff an de Kedener Kreisbahn.
Scholen
[ännern | Bornkood ännern]De Kinner ut’n Oort gaht na de Grundschool Doornbusch op School.
Footnoten
[ännern | Bornkood ännern]- ↑ dat Book bi Google Böker
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 168
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 444
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 145
- ↑ Franz Heinrich Ungewitter: Neueste Erdbeschreibung und Staatenkunde. 1858, Sied 418: http://books.google.de/books?id=ZkoNAQAAIAAJ&pg=PA418
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137