Truup

Vun Wikipedia
Zur Navigation springen Zur Suche springen
Wapen/Flagg Koort

Wapen vun Truup

Truup
Laag vun Truup in Düütschland
Basisdaten
Bundsland: Neddersassen
Landkreis: Oosterholt
Gemeen: Leendaal
Inwahners:
Postleettall: 28865
Vörwahl: 04298
Geograafsche Laag:
Koordinaten:53° 8′ N, 8° 53′ O
53° 8′ N, 8° 53′ O

De Truup (hoochdüütsch Trupe) is en Dörp in de Gemeen Leendaal in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat siede Land an de Wümm. An’n Oostrand von de Truup münnt de Wörp in de Wümm. Ut’n grötteren Deel von’n Oort flütt dat Water aver över Gravens na dat Truper Sielfleet af un denn in de Wümm. In’n Noordwesten liggt dat Naturschuulrebeed Truper Blänken. Dat Land an de Wümm is as Naturschuulrebeed Ünnere Wümm schuult.

De Naveröörd sünd Feldhusen in’n Noorden, Moorhusen in’n Noordoosten, Leendaal in’n Oosten, Butendiek un Warf in’n Süüdoosten, Truperdiek un Lehesterdiek in’n Süden, dat Överblockland in’n Westen un Gehrden in’n Noordwesten.

Historie[ännern | Bornkood ännern]

De Truup kummt 937 toeerst in de Oorkunnen vör. 1183 dükert de Kapell toeerst in de Oorkunnen op.

Von de Truup ut is in dat 16. Johrhunnert de Oort Truperdiek grünnt worrn un in dat 18. Johrhunnert de Moorkolonie Trupermoor.

As in de Befreungskriege an dat Enn von de Franzosentied de Franzosen an’n 21. April 1813 Leendaal ansteken hebbt, sünd ok in Truup de Kapell un en ganz Reeg Hüüs afbrennt.

In’n Eersten Weltkrieg sünd söven Soldaten ut de Truup fullen oder vermisst.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Truup in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Leendaal in’n Kanton Leendaal.

De Oort hett vör 1885 to de Vaagdie Truup von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n Kreis Oosterholt tohoopgahn is.

De Oort weer fröher en egenstännige Gemeen. De Gemeen is an’n 1. April 1929 mit Truperdiek un Feldhusen to een Gemeen tohoopleggt worrn, de den Naam Gemeen Truup dragen hett. An’n 1. Oktober 1937 is de Gemeen Truup Deel von de Gemeen Leendaal worrn, de mit de Gemeenreform in Neddersassen an’n 1. März 1974 noch wedder grötter worrn is.

Inwahnertall[ännern | Bornkood ännern]

Johr Inwahners
1791-00-001791[2] 28 Füürsteden
1812-00-001812[3] 206
1824-00-001824[4] 30 Füürsteden
1848-00-001848[5] 215 Lüüd. 31 Hüüs
1871-12-011. Dezember 1871[6] 248 Lüüd. 40 Hüüs
1885-12-011. Dezember 1885[7] 221 Lüüd. 39 Hüüs
1905-12-011. Dezember 1905[8] 272 Lüüd. 45 Hüüs
1910-12-011. Dezember 1910[9] 265
1925-00-001925[10] 291

Religion[ännern | Bornkood ännern]

De Truup is evangeelsch-luthersch präägt un billt mit de Marien-Kark en egen Kaspel.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

De Doden warrt op’n Truper Karkhoff bi de Kark begraven.

Kultur[ännern | Bornkood ännern]

De Truup hett en Denkmaal för de Fullenen ut’n Eersten Weltkrieg.

In’n Oort is dat Neddersassische Kutschenmuseum to finnen.

Verenen[ännern | Bornkood ännern]

De Choor Truup-Leendaal is 1838 grünnt worrn.

Weertschop un Infrastruktur[ännern | Bornkood ännern]

För de Truup is de freewillige Füürwehr Leendaal mit tostännig.

Verkehr[ännern | Bornkood ännern]

De Truper Dörpstraat löppt in’n Noordwesten na Gehrden an’n Wümmdiek. För den Verkehr hett de Weg na’n Wümmdiek aver keen Bedüden. De Stratenverkehr löppt över’n Oosten, över Leendaal un de Landsstraat 133. De L 133 geiht in Süden in de Leendaler Heerstraat över un föhrt na Bremen rin. In’n Noordoosten löppt se över Grasbarg un Tarmst na Zeven.

De nächste Autobahn is de Autobahn 27 (Afsnidd BremenWasra). De Opfohrt 19 Horn-Leh liggt so söss Kilometer in’n Süden von de Truup an de Leendaler Heerstraat.

De nächste Bahnhoff is so bi acht Kilometer wied weg in’n Süüdoosten de Bahnhoff Överneeland an de Bahnlien Hamborg–Bremen. An’n Oostrand von de Truup liggt de Hollpunkt Truup von de Lien 4/4S von de Stratenbahn Bremen, de över den Hauptbahnhoff Bremen bet na Oorssen reckt. Bet 2014 is de Lien in Borgfeld ennt, is denn aver utboot worrn.

Von 1900 bet 1954 hett dat ok op de Kleenbahn Bremen–Tarmst Personenverkehr geven. De Bahnhoff Leendaal leeg nich wied weg von de Truup.

Lüüd[ännern | Bornkood ännern]

De Musikpädagoog un plattdüütsche Schriever Heinz Lemmermann is 1930 in Truup boren.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 230
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 604
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 161
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
  9. Inwahnertallen op gemeindeverzeichnis.de
  10. Inwahnertallen op verwaltungsgeschichte.de