Trupermoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28865 | |
| Vörwahl: | 04298 | |
| Geograafsche Laag: | Koordinaten:53° 10′ N, 8° 56′ O53° 10′ N, 8° 56′ O | |
|
| ||
Trupermoor (hoochdüütsch Trupermoor) is en Dörp in de Gemeen Leendaal in’n Landkreis Oosterholt, Neddersassen.
Geografie[ännern | Bornkood ännern]
De Oort liggt in dat Düvelsmoor. Dat Water ut dat Rebeed flütt över de Wörp af. De öllere Loop von de Wörp besteiht bi Trupermoor noch in Form von de Ole Worp.
De Naveröörd sünd Worphusen in’n Noorden, Schrötersdörp, Wörpdörp un Eekdorp in’n Noordoosten, Heidbarg in’n Süüdoosten, Verenmoor, Timmersloh un Falkenbarg in’n Süden, Leendaal un Moorhusen in’n Süüdwesten un Frankenborg, Lüttmoor un Kloostermoor in’n Noordwesten.
Historie[ännern | Bornkood ännern]
Trupermoor is in dat 18. Johrhunnert von Truup ut as Moorkolonie grünnt worrn.
In’n Eersten Weltkrieg sünd 22 Soldaten ut Trupermoor fullen oder vermisst.[1]
Verwaltungsgeschicht[ännern | Bornkood ännern]
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Falkenbarg in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Leendaal in’n Kanton Leendaal.
De Oort hett vör 1885 to de Vaagdie Truup von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n Kreis Oosterholt tohoopgahn is.
De Oort weer fröher en egenstännige Gemeen. An’n 1. Oktober 1937 is de Gemeen Deel von de Gemeen Leendaal worrn, de mit de Gemeenreform in Neddersassen an’n 1. März 1974 noch wedder grötter worrn is.
Inwahnertall[ännern | Bornkood ännern]
| Johr | Inwahners |
|---|---|
| 1791[2] | 12 Füürsteden |
| 1812[3] | 171 |
| 1824[4] | 31 Füürsteden |
| 1848[5] | 179 Lüüd, 26 Hüüs |
| 1. Dezember 1871[6] | 182 Lüüd, 33 Hüüs |
| 1. Dezember 1885[7] | 184 Lüüd, 36 Hüüs |
| 1. Dezember 1905[8] | 199 Lüüd, 39 Hüüs |
| 1. Dezember 1910[9] | 234 |
| 1925[10] | 237 |
Religion[ännern | Bornkood ännern]
Trupermoor is evangeelsch-luthersch präägt un höört to dat Kaspel von de Marien-Kark in Truup.
För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.
Kultur[ännern | Bornkood ännern]
En Denkmaal för de Fullenen ut’n Eersten Weltkrieg steiht twüschen Trupermoor un Kloostermoor.
Weertschop un Infrastruktur[ännern | Bornkood ännern]
De Spoorkass Rodenborg-Oosterholt hett en Filiaal in Trupermoor.
Verkehr[ännern | Bornkood ännern]
Dör Trupermoor löppt de Kreisstraat 18, de in’n Noordwesten in de K 8 münnt un in’n Süüdoosten över en Kreisverkehr an de Landsstraten L 133 un L 154 anbunnen is. De K 8 föhrt in’n Westen över Frankenborg na de Öörd von Sankt Jürgen un op Oosterholt-Scharmbeek un Hu’e to. De L 133 föhrt in’n Noorden na Worpsweed un in’n Süden na Leendaal un denn över de Leendaler Heerstraat na Bremen. De L 154 geiht in’n Süüdoosten över Heidbarg un Seebargen na Otterbarg.
De nächste Autobahn is de Autobahn 27 (Afsnidd Bremen–Wasra). De Opfohrt 19 Horn-Leh liggt so ölven Kilometer in’n Süüdwesten von Trupermoor an de Leendaler Heerstraat.
De nächste Bahnhoff is so bi 13 Kilometer wied weg in’n Süden de Bahnhoff Överneeland an de Bahnlien Hamborg–Bremen. De Bahnhööv Hu’e un Oosterholt-Scharmbeek an de Bahnlien Bremen–Bremerhoben doot good 14 Kilometer in’n Noordwesten liggen.
An’n Süüdoostrand von Trupermoor liggt de Ennpunkt von de Lien 4/4S von de Stratenbahn Bremen, de över den Hauptbahnhoff Bremen bet na Oorssen reckt. De Stratenbahn besteiht siet 2014.
Von 1900 bet 1956 harr de Oort ok en egen Bahnhoff an de Kleenbahn Bremen–Tarmst.
Scholen[ännern | Bornkood ännern]
De Kinner ut Trupermoor gaht na de Grundschool Trupermoor. Dat gifft ok en Kinnergoorn in’n Oort.
De ole Volksschool in Trupermoor is 1851 grünnt worrn. 1930 is glieks blangen de ole School en neet Schoolhuus boot worrn, dat in de Johren na’n Tweten Weltkrieg jümmer wedder utboot worrn is.
Lüüd[ännern | Bornkood ännern]
De Politiker Karl Julius Witt is 1885 in Trupermoor boren.
Footnoten[ännern | Bornkood ännern]
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 230
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 604
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
- ↑ Inwahnertallen op gemeindeverzeichnis.de
- ↑ Inwahnertallen op verwaltungsgeschichte.de
Butendiek | Falkenbarg | Feldhusen | Heidbarg | Kloostermoor | Leendaal | Moorhusen | Seebargen | St. Jürgen | Truup | Truperdiek | Trupermoor | Worphusen