Moorhusen (Leendaal)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28865 | |
| Vörwahl: | 04298 | |
| Geograafsche Laag: | Koordinaten:53° 9′ N, 8° 55′ O53° 9′ N, 8° 55′ O | |
|
| ||
Moorhusen (hoochdüütsch Moorhausen) is en Oort in de Gemeen Leendaal in’n Landkreis Oosterholt, Neddersassen.
De Oort weer fröher en egenstännig Oort, is vondaag aver ganz mit Leendaal tohoopwussen.
Moorhusen liggt in dat Kaspel Leendaal-Truup. De Oort is nich to verwesseln mit Moorhusen in dat Kaspel Sankt Jürgen. De Öörd höört vondaag all beid to de Gemeen Leendaal.
Geografie
[ännern | Bornkood ännern]De Oort liggt in dat siede Land an de Wümm un an dat Düvelsmoor. Dat Water ut dat Rebeed flütt in’n Süden na de Wörp hen af un in’n Noorden över dat Karkenfleet un de Ole Worp na de Wümm un Hamm. In’n Westen liggt dat Naturschuulrebeed Truper Blänken.
De Naveröörd sünd Höög, Frankenborg un Lüttmoor in’n Noorden, Kloostermoor un Trupermoor in’n Noordoosten, Falkenbarg in’n Oosten, Timmersloh in’n Süüdoosten, Leendaal in’n Süden, Truup un Feldhusen in’n Süüdwesten un Wührn un Öberenn in’n Noordwesten.
Historie
[ännern | Bornkood ännern]En Oort Moorhusen kummt 1424 toeerst in de Oorkunnen vör. Dat is aver nich ganz kloor, wat för en Moorhusen dor mit meent weer: dat Moorhusen in dat Kaspel Leendaal-Truup oder dat in dat Kaspel Sankt Jürgen.
In’n Eersten Weltkrieg sünd 13 Soldaten ut Moorhusen fullen oder vermisst.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Truup in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Leendaal in’n Kanton Leendaal.
De Oort hett vör 1885 to de Vaagdie Truup von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n Kreis Oosterholt tohoopgahn is.
De Oort weer fröher en egen Gemeen. An’n 1. April 1937 is de Gemeen Moorhusen an de Gemeen Leendaal kamen. Mit de Gemeenreform in Neddersassen an’n 1. März 1974 is düsse Gemeen noch wedder düüdlich grötter worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 32 Füürsteden |
| 1812[3] | 216 |
| 1824[4] | 37 Füürsteden |
| 1848[5] | 326 Lüüd, 44 Hüüs |
| 1. Dezember 1871[6] | 264 Lüüd, 47 Hüüs |
| 1. Dezember 1885[7] | 274 Lüüd, 48 Hüüs |
| 1. Dezember 1905[8] | 314 Lüüd, 56 Hüüs |
| 1. Dezember 1910[9] | 385 |
| 1925[10] | 375 |
Religion
[ännern | Bornkood ännern]Moorhusen is evangeelsch-luthersch präägt un höört to dat Kaspel von de Marien-Kark in Truup.
För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.
Kultur
[ännern | Bornkood ännern]In Moorhusen steiht en Denkmaal för de Fullenen ut’n Eersten Weltkrieg.
Weertschop un Infrastruktur
[ännern | Bornkood ännern]För Moorhusen is de freewillige Füürwehr Leendaal mit tostännig.
Verkehr
[ännern | Bornkood ännern]Dör Moorhusen löppt de Kreisstraat 8, de in Leendaal an de Landsstraat 133 föhrt un in’n Noordwesten över Trupermoor, Kloostermoor, Lüttmoor un Frankenborg na Hu’e to. De L 133 geiht in’n Süden in de Leendaler Heerstraat över un na Bremen un in’n Noordoosten över Grasbarg un Tarmst na Zeven. Bi Worphusen geiht von de L 133 de L 153 af, de na Worpsweed föhrt.
De nächste Autobahn is de Autobahn 27 (Afsnidd Bremen–Wasra). De Opfohrt 19 Horn-Leh liggt so acht Kilometer in’n Süüdwesten von Moorhusen an de Leendaler Heerstraat.
De nächste Bahnhoff is so bi teihn Kilometer wied weg in’n Süden de Bahnhoff Överneeland an de Bahnlien Hamborg–Bremen. An Moorhusen langs löppt ok de Lien 4/4S von de Stratenbahn Bremen, de över den Hauptbahnhoff Bremen bet na Oorssen reckt. De Stratenbahn besteiht siet 2014.
Von 1900 bet 1954 harr de Oort ok en egen Bahnhoff an de Kleenbahn Bremen–Tarmst.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 157
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 412
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
- ↑ Inwahnertallen op gemeindeverzeichnis.de
- ↑ Inwahnertallen op verwaltungsgeschichte.de
Butendiek | Falkenbarg | Feldhusen | Heidbarg | Kloostermoor | Leendaal | Moorhusen | Seebargen | St. Jürgen | Truup | Truperdiek | Trupermoor | Worphusen