Moorhusen (Sankt Jürgen)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Moorhusen
Laag vun Moorhusen in Düütschland
Basisdaten
Bundsland: Neddersassen
Landkreis: Oosterholt
Gemeen: Leendaal
Inwahners:
Postleettall: 28865
Vörwahl: 04292
Geograafsche Laag:
Koordinaten:53° 11′ N, 8° 50′ O
53° 11′ N, 8° 50′ O

Moorhusen (hoochdüütsch Moorhausen) is en Dörp in de Gemeen Leendaal in’n Landkreis Oosterholt, Neddersassen.

Moorhusen liggt in dat Kaspel Sankt Jürgen. De Oort is nich to verwesseln mit Moorhusen in dat Kaspel Leendaal-Truup. De Öörd höört vondaag all beid to de Gemeen Leendaal.

Geografie[ännern | Bornkood ännern]

De Oort liggt in dat siede St.-Jürgensland. Dat Water ut dat Rebeed flütt över Gravens na de Hamm un de Wümm hen af.

De Naveröörd sünd Viehland un Waakhusen in’n Noordoosten, Öberenn, Wührn un Millbüern in’n Süüdoosten, Veerhusen in’n Süden, Sankt Jürgen un Nedderenn in’n Süüdwesten un Scharmbeekstotel, Lintel un Oosterholt in’n Noordwesten.

Historie[ännern | Bornkood ännern]

En Oort Moorhusen kummt 1424 toeerst in de Oorkunnen vör. Dat is aver nich ganz kloor, wat för en Moorhusen dor mit meent weer: dat Moorhusen in dat Kaspel Leendaal-Truup oder dat in dat Kaspel Sankt Jürgen.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Öberenn in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie St. Jürgen in’n Kanton Leendaal.

De Oort hett vör 1848 to dat Gericht Nedderenn St. Jürgen un von 1848 bet 1885 to de Vaagdie Sankt Jürgen von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en grötteren Kreis Oosterholt tohoopgahn is.

De Oort hett fröher to de Gemeen Nedderenn-Sankt Jürgen tohöört. An’n 1. April 1937 hett sik de Gemeen Nedderenn-Sankt Jürgen mit en Reeg annere Gemenen to de Gemeen Sankt Jürgen tohoopslaten. Düsse Gemeen is mit de Gemeenreform in Neddersassen an’n 1. März 1974 an de Gemeen Leendaal kamen.

Inwahnertall[ännern | Bornkood ännern]

Johr Inwahners
1791-00-001791[1] 8 Füürsteden
1812-00-001812[2] 49
1824-00-001824[3] 8 Füürsteden
1848-00-001848[4] 68 Lüüd. 9 Hüüs
1871-12-011. Dezember 1871[5] 85 Lüüd. 10 Hüüs
1885-12-011. Dezember 1885[6] 49 Lüüd. 8 Hüüs
1905-12-011. Dezember 1905[7] 44 Lüüd. 8 Hüüs

Religion[ännern | Bornkood ännern]

Moorhusen is evangeelsch-luthersch präägt un höört to dat Kaspel von de Jürgen-Kark in St. Jürgen.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

Weertschop un Infrastruktur[ännern | Bornkood ännern]

För Moorhusen is de freewillige Füürwehr Sankt Jürgen mit tostännig, de ehr Sprüttenhuus in Frankenborg hett.

Verkehr[ännern | Bornkood ännern]

An Moorhusen löppt de Kreisstraat 9 langs, de in’n Noordwesten na Oosterholt-Scharmbeek geiht un in’n Süden na de K 8. De K 8 wedder föhrt in’n Süüdwesten na Hu’e un Bremen-Oshusen un in’n Oosten över Veerhusen, Miitelbuur, Wührn, Öberenn un Frankenborg bi Trupermoor an de Landsstraat 133. Von de K 9 geiht na Noordoosten de K 11 af, de över Viehland un Waakhusen na Worpsweed föhrt.

De nächste Autobahn is de Autobahn 27 (Afsnidd BremerhobenBremen). De Opfohrt 17 Bremen-Industriehavens liggt so negen Kilometer in’n Süüdwesten von Moorhusen an de Hu’er Heerstraat.

De nächste Bahnhoff is so bi fiev Kilometer wied weg in’n Noordwesten de Bahnhoff Oosterholt-Scharmbeek an de Bahnlien Bremen–Bremerhoben.

Scholen[ännern | Bornkood ännern]

Bet 1931 sünd de Kinner ut Moorhusen op de Volksschool in Sankt Jürgen gahn un na 1931 op de School in Wührn.[8] Nadem de School in Wührn 1975 dichtmaakt hett, güngen de Kinner op de Grundschool Frankenborg, de 2016 ok dichtmaakt hett.[8] Sietdem gaht se na de Grundschool Worphusen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 156
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 412
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 161
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 143
  8. a b Johannes Kessels: Nach 250 Jahren ist jetzt Schluss. Weser-Kurier an’n 26. Juni 2016