Lüttmoor

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Lüttmoor
Laag vun Lüttmoor in Düütschland
Basisdaten
Bundsland: Neddersassen
Landkreis: Oosterholt
Gemeen: Leendaal
Inwahners:
Postleettall: 28865
Vörwahl: 04298
Geograafsche Laag:
Koordinaten:53° 10′ N, 8° 55′ O
53° 10′ N, 8° 55′ O

Lüttmoor (hoochdüütsch Kleinmoor) is en Dörp in de Gemeen Leendaal in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat Düvelsmoor. Dat Water ut dat Rebeed flütt över de Waterlööp von de Ole Worp, dat Karkenfleet un den Semkenfohrtkanaal na de Wümm un de Hamm hen af.

De Naveröörd sünd Lüningsee un Lüninghusen in’n Noorden, Worphusen in’n Noordoosten, Kloostermoor un Trupermoor in’n Süüdoosten, Falkenbarg un Moorhusen in’n Süden, Frankenborg in’n Westen un Worpheim in’n Noordwesten.

Historie[ännern | Bornkood ännern]

In’n Eersten Weltkrieg sünd dree Soldaten ut Lüttmoor fullen oder vermisst un in’n Tweten Weltkrieg 18.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Törfmoor in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Leendaal in’n Kanton Leendaal.

De Oort hett vör 1885 to de Vaagdie Sankt Jürgen von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n Kreis Oosterholt tohoopgahn is.

De Oort weer fröher en egen Gemeen. An’n 1. April 1937 is Lüttmoor Deel von de Gemeen Sankt Jürgen worrn, de mit de Gemeenreform in Neddersassen an’n 1. März 1974 an de Gemeen Leendaal kamen is.

Inwahnertall[ännern | Bornkood ännern]

Johr Inwahners
1791-00-001791[2] 25 Füürsteden
1812-00-001812[3] 132
1824-00-001824[4] 29 Füürsteden
1848-00-001848[5] 183 Lüüd. 31 Hüüs
1871-12-011. Dezember 1871[6] 180 Lüüd. 35 Hüüs
1885-12-011. Dezember 1885[7] 184 Lüüd. 37 Hüüs
1905-12-011. Dezember 1905[8] 177 Lüüd. 37 Hüüs
1910-12-011. Dezember 1910[9] 181

Religion[ännern | Bornkood ännern]

Lüttmoor is evangeelsch-luthersch präägt un höört to dat Kaspel von de Jürgen-Kark in St. Jürgen.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

De Doden warrt op’n Karkhoff Frankenborg begraven.

Kultur[ännern | Bornkood ännern]

Gedenktafeln för de Fullenen ut de twee Weltkrieg’ hängt in de Kark von Sankt Jürgen.

Weertschop un Infrastruktur[ännern | Bornkood ännern]

För Lüttmoor is de freewillige Füürwehr Sankt Jürgen mit tostännig.

Verkehr[ännern | Bornkood ännern]

Dör Lüttmoor löppt de Kreisstraat 8, de in’n Westen över Frankenborg, Wührn, Millbüern, Veerhusen un Nedderenn na Hu’e to geiht un in’n Oosten bi Trupermoor na de Landsstraat 133.

De nächste Autobahn is de Autobahn 27 (Afsnidd BremenWasra). De Opfohrt 19 Horn-Leh liggt so twölv Kilometer in’n Süüdwesten von Lüttmoor an de Leendaler Heerstraat.

De nächsten Bahnhööv sünd so bi 13 Kilometer wied weg in’n Westen de Bahnhööv Hu’e un Oosterholt-Scharmbeek an de Bahnlien Bremen–Bremerhoben. De Bahnhoff Överneeland an de Bahnlien Hamborg–Bremen liggt ok good 13 Kilometer in’n Süden.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 127
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 334
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 166
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
  9. Inwahnertallen op gemeindeverzeichnis.de