Millbüern

Wapen/Flagg	Koort
Basisdaten
Bundsland: Neddersassen Landkreis: Oosterholt Gemeen: Leendaal
Inwahners:
Postleettall:	28865
Vörwahl:	04298
Geograafsche Laag:	53° 11′ N, 8° 50′ O

Millbüern (hoochdüütsch Mittelbauer) is en Dörp in de Gemeen Leendaal in’n Landkreis Oosterholt, Neddersassen.

Geografie

De Oort liggt in dat siede St.-Jürgensland. Dat Water ut dat Rebeed flütt över Gravens na dat Karkenfleet un dat Maschinenfleet un denn wieder in de Wümm af.

De Naveröörd sünd Viehland in’n Noorden, Waakhusen un Worpheim in’n Noordoosten, Wührn un Öberenn in’n Oosten, Feldhusen un Truup in’n Süüdoosten, Gehrden un dat Nedderblockland in’n Süden, Höftdiek in’n Süüdwesten, Veerhusen un Nedderenn in’n Westen un Moorhusen in’n Noordwesten.

Historie

In’n Eersten Weltkrieg sünd söven Soldaten ut Millbüern fullen oder vermisst un in’n Tweten Weltkrieg negen.

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Öberenn in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie St. Jürgen in’n Kanton Leendaal.

De Oort hett vör 1885 to de Vaagdie St. Jürgen von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en grötteren Kreis Oosterholt tohoopgahn is.

De Oort hett fröher to de Gemeen Wührn-Millbüern tohöört. An’n 1. April 1937 hett sik de Gemeen Wührn-Millbüern mit en Reeg annere Gemenen to de Gemeen Sankt Jürgen tohoopslaten. Düsse Gemeen is mit de Gemeenreform in Neddersassen an’n 1. März 1974 an de Gemeen Leendaal kamen.

Inwahnertall

Johr	Inwahners
1791-00-001791	16 Füürsteden
1812-00-001812	209
1848-00-001848	98 Lüüd, 16 Hüüs
1871-12-011. Dezember 1871	94 Lüüd, 16 Hüüs
1885-12-011. Dezember 1885	89 Lüüd, 16 Hüüs

* tohoop mit Wührn

Religion

Millbüern is evangeelsch-luthersch präägt un höört to dat Kaspel von de Jürgen-Kark in Sankt Jürgen.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

Kultur

Denkmaals för de Fullenen ut de twee Weltkrieg’ gifft dat in Sankt Jürgen an de Kark un in Frankenborg.

Weertschop un Infrastruktur

För Millbüern is de freewillige Füürwehr Sankt Jürgen mit tostännig, de ehr Sprüttenhuus in Frankenborg hett.

Verkehr

Dör Millbüern löppt de Kreisstraat 8, de in’n Westen över Veerhusen un Nedderenn na Hu’e to geiht un in’n Oosten över Wührn, Öberenn un Frankenborg bi Trupermoor na de Landsstraat 133.

De nächste Autobahn is de Autobahn 27 (Afsnidd Bremerhoben–Bremen). De Opfohrt 17 Bremen-Industriehavens liggt so teihn Kilometer in’n Süüdwesten von Millbüern an de Hu’er Heerstraat.

De nächsten Bahnhööv sünd so bi söven Kilometer wied weg an de Bahnlien Bremen–Bremerhoben: in’n Noordwesten de Bahnhoff Oosterholt-Scharmbeek un in’n Westen de Bahnhoff Hu’e.

Scholen

Fröher hett dat en Schoolstuuv in Millbüern geven. Düsse Schoolstuuv is 1876 slaten worrn, nadem se in Wührn en neet Schoolhuus boot hebbt, na dat nu ok de Schölers ut Millbüern güngen. De School in Wührn hett an’n 25. Juni 1975 dichtmaakt. Na 1975 güngen de Kinner op de Grundschool Frankenborg, de 2016 ok dichtmaakt hett. Sietdem gaht se na de Grundschool Worphusen.