Falkenbarg (Gemeen Leendaal)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Falkenbarg

Falkenbarg
Laag vun Falkenbarg in Düütschland
Basisdaten
Bundsland: Neddersassen
Landkreis: Oosterholt
Gemeen: Leendaal
Inwahners:
Postleettall: 28865
Vörwahl: 04298
Geograafsche Laag:
Koordinaten:53° 9′ N, 8° 56′ O
53° 9′ N, 8° 56′ O

Falkenbarg (hoochdüütsch Falkenberg) is en Oort in de Gemeen Leendaal in’n Landkreis Oosterholt, Neddersassen. Dat liggt an dat rechte Över von de Wörp. Falkenbarg is vondaag meist kumplett mit Leendaal tohoopwussen. Ok Trupermoor un Moorhusen sünd mit Leendaal un Falkenbarg tohoopwussen.

Geografie[ännern | Bornkood ännern]

Falkenbarg liggt dicht bi de Steed, an de ut de Wörp fröher de Ole Wörp afgahn is.

De Naveröörd sünd Worphusen un Trupermoor in’n Noorden, Grasbarg un Eekdorp in’n Noordoosten, Grasdörp un Dannenbarg in’n Oosten, Heidbarg un Seebargen in’n Süüdoosten, Verenmoor, Timmersloh un Butendiek in’n Süden, Leendaal un Moorhusen in’n Süüdwesten un Lüttmoor, Frankenborg un Lüninghusen in’n Noordwesten.

Historie[ännern | Bornkood ännern]

De öllsten Hüüs von Falkenbarg hebbt langs de Landstraat an de Wörp stahn. 1820 is an de Wörp en Bramwienbrenneree anleggt worrn.

In de Franzosentied von 1810 bet 1814 hett de Oort to de Mairie Leendaal in’n Kanton Leendaal höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Leendaal tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Landkreis Oosterholt worrn.

De Oort is an’n 1. Oktober 1937 tohoop mit Truup un Trupermoor Deel von de Gemeen Leendaal worrn.

Inwahnertall[ännern | Bornkood ännern]

Johr Inwahners
1812-00-00 1812[1] 117
1824-00-00 1824[2] 18 Füürsteden
1848-00-00 1848[3] 234 Lüüd. 37 Hüüs
1910-12-011. Dezember 1910[4] 425
1925-00-00 1925[5] 476

Religion[ännern | Bornkood ännern]

Falkenbarg is evangeelsch-luthersch präägt un höört to dat Kaspel von de Marien-Kark in Leendaal.

För de Kathoolschen is de Goden-Hirt-Kark in Leendaal tostännig.

Kultur[ännern | Bornkood ännern]

Verenen[ännern | Bornkood ännern]

De freewillige Füürwehr in Falkenbarg is 1902 grünnt worrn. 1991 sünd se mit de Füürwehr von Leendaal to de Oortswehr Leendaal-Falkenbarg tohoopleggt worrn. De Schüttenvereen Heidmark-Falkenbarg is 1871 grünnt worrn. Den Turnvereen Falkenbarg gifft dat siet 1905. Siet 1992 hett de TV Falkenbarg sik in’n Football mit’n TV Leendaal to’n SV Leendaal/Falkenbarg tohoopdaan.

Weertschop un Infrastruktur[ännern | Bornkood ännern]

De Golfplatz Leendaal liggt in Falkenbarg.

De Volksbank Oosterholt-Scharmbeek hett in Falkenbarg in de Falkenbarger Landstraat 71 en Filiaal.

För Falkenbarg is de freewillige Füürwehr Leendaal mit tostännig. Fröher harr de Oort en egen Füürwehr. De Wehr is 1902 grünnt worrn un hett bet 1991 bestahn, as se mit de Füürwehr in Leendaal to de Oortswehr Leendaal/Falkenbarg tohoopleggt worrn is.

Verkehr[ännern | Bornkood ännern]

Dör Falkenbarg löppt de Landsstraat 133, de in’n Noordoosten över Grasbarg un Tarmst na Zeven to geiht un in’n Süüdwesten över Leendaal na Borgfeld un Bremen. Na Süüdoosten geiht de L 154 af, de na Hu’e un Otterbarg föhrt. De Kreisstraat 8 geiht in’n Noordwesten över Frankenborg un de Mooröörd Böverenn, Wührn, Millbüern, Veerhusen un Nedderenn na Hu’e.

De nächste Autobahn is de Autobahn 27 (Afsnidd BremenWasra). De Opfohrt 19 Horn-Leh liggt so teihn Kilometer in’n Süüdwesten von Falkenbarg an de Leendaler Heerstraat.

De nächste Bahnhoff is so bi 14 Kilometer wied weg in’n Süüdwesten de Hauptbahnhoff Bremen. Falkenbarg is Ennpunkt von de Lien 4/4S von de Stratenbahn Bremen, de över den Hauptbahnhoff Bremen bet na Oorssen reckt. Bet 2014 is de Lien in Borgfeld ennt, is denn aver utboot worrn.

Von 1900 bet 1956 harr de Oort ok en egen Bahnhoff an de Kleenbahn Bremen–Tarmst. Dat Stück twüschen Bremen un Falkenbarg is 1954 stillleggt worrn, de Rest 1956.

Scholen[ännern | Bornkood ännern]

De de Grundschool Falkenbarg, Haupt- un Realschool Leendaal, dat Gymnasium Leendaal un dat Schoolzentrum Schoofmoor doot all in Falkenbarg stahn. Dat Schoolzentrum is 1974 grünnt worrn. Dat gifft ok twee Kitas.

In de ole Volksschool von Falkenbarg is vondaag en lütt Schoolmuseum ünnerbrocht.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 96: http://books.google.de/books?id=Q 5OAAAAcAAJ&pg=PA96
  2. C. H. Jansen: Statistisches Handbuch des Königreichs Hannover. 1824, Sied 180: http://books.google.de/books?id=tG0AAAAAcAAJ&pg=PA180
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
  4. http://www.gemeindeverzeichnis.de/gem1900/gem1900.htm?hannover/osterholz.htm
  5. http://www.verwaltungsgeschichte.de/osterholz.html