Seebargen
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | 838 (10. Januar 2012) | |
| Postleettall: | 28865 | |
| Vörwahl: | 04298 | |
| Geograafsche Laag: | Koordinaten:53° 8′ N, 8° 59′ O53° 8′ N, 8° 59′ O | |
|
| ||
Seebargen (hoochdüütsch Seebergen) is en Dörp in de Gemeen Leendaal in’n Landkreis Oosterholt, Neddersassen.
Geografie[ännern | Bornkood ännern]
In’n Süden ligt dat Naturschuulrebeed Hu’er Wümmdaal un in’n Süüdwesten de Borgfeller Wümmwischen. De Noordarm von de Wümm, de Wietengraven, löppt so bi een Kilometer in’n Süden von’n Oort langs.
De Naveröörd sünd Dannenbarg in’n Noorden, Meinershusen in’n Noordoosten, Wienkoopsmoor in’n Oosten, Rutendorp un Hu’e in’n Süüdoosten, Ebbensiek in’n Süden, Borgfeld in’n Süüdwesten, Timmersloh un Leendaal in’n Westen un Heidbarg un Falkenbarg in’n Noordwesten.
De Oort liggt ganz in’n Süüdoosten von de Gemeen Leendaal. De Öörd in’n Noordoosten höört to de Gemeen Grasbarg, de Öörd in’n Süden to de Gemeen Otterbarg in’n Landkreis Veern un de Öörd in’n Süüdwesten to de Stadt Bremen.
Historie[ännern | Bornkood ännern]
De Oort Seebargen is opkamen, as na 1708 bilütten dat Korte Moor besiedelt worrn is.[1] Toeerst hebbt Seebargen un Heidbarg noch tohoophöört, eerst 1767 sünd de Öörd deelt worrn.[1]
De Möhl in Seebargen is 1747 boot worrn un hett bet 1932 Koorn mahlt.[1]
In de Franzosentied von 1810 bet 1814 hett de Oort to de Mairie Leendaal in’n Kanton Leendaal höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Leendaal tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Landkreis Oosterholt worrn.
De Oort is an’n 1. März 1974 Deel von de Gemeen Leendaal worrn.
In’n Tweten Weltkrieg sünd in de Nacht von’n 26. Juni 1942 bi en Fleger-Angreep twee Buurnhüüs un een Schüün dalbrennt.[1] An’n 30. April 1945 is de Oort beschaten worrn un dor sünd noch wedder dree Buurnhüüs, twee Schünen un een Stall bi tweigahn.[1]
Inwahnertall[ännern | Bornkood ännern]
| Johr | Inwahners |
|---|---|
| 1812[2] | 166 |
| 1824[3] | 26 Füürsteden |
| 1848[4] | 217 Lüüd, 28 Hüüs |
| 1. Dezember 1910[5] | 180 |
| 1925[6] | 159 |
| 1933[6] | 172 |
| 1939[6] | 187 |
| 10. Januar 2012[7] | 838 |
Religion[ännern | Bornkood ännern]
Seebargen is evangeelsch-luthersch präägt un höört to dat Kaspel von de Marien-Kark in Leendaal.
För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.
Wapen[ännern | Bornkood ännern]
Dat Wapen von Seebargen wiest op sülvern Grund över en blauen Schildfoot en grönen Barg mit en Windmöhl dor op.
Börgermeesters[ännern | Bornkood ännern]
| Tied | Naam |
|---|---|
| –28. Februar 1974 | Hinrich Haltermann |
Kultur[ännern | Bornkood ännern]
Verenen[ännern | Bornkood ännern]
Seebargen hett en egene freewillige Füürwehr. De Heimatvereen Seebargen is 1968 grünnt worrn.
De VfR Seebargen-Rutendörp is 1958 grünnt worrn un is besünners in’n Floorball en in ganz Düütschland ansehn Vereen. In verscheden Sppelgemeenschoppen mit annere Vereens hebbt se dor ok in de eerste un twete Bundsliga mitspeelt.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
An Seebargen langs löppt de Landsstraat 154, de in’n Noordwesten na Falkenbarg geiht un in’n Oosten na Hu’e un Otterbarg. Dat is de Hauptverkehrsweg. Ans gifft dat blots Weeg na de lütten Naveröörd.
De nächste Autobahn is de Autobahn 27 (Afsnidd Bremen–Wasra). De Opfohrt 19 Horn-Leh liggt so ölven Kilometer in’n Süüdwesten von Seebargen an de Leendaler Heerstraat.
De nächste Bahnhoff is so bi twölv Kilometer wied weg in’n Süüdoosten de Bahnhoff Sao’ern an de Bahnlien Hamborg–Bremen. Op de Bahnlien Bremen–Tarms hett dat von 1900 bet 1956 Personenverkehr geven. De Bahnhoff Falkenbarg weer in düsse Tied dree Kilometer in’n Noordwesten.
Scholen[ännern | Bornkood ännern]
De Kinner ut Seebargen gaht na de Grundschool Trupermoor. De Grundschool Seebargen hett mit dat Enn von dat Schooljohr 2015/2016 dichtmaakt.
Dat eerste Schoolhuus is 1865 boot worrn.[1] Na’n Tweten Weltkrieg is en neet Schoolhuus boot worrn.[1] 1967 sünd denn de Klassen 7 bet 9 na Leendaal op School wesselt un 1970 de Klassen 5 un 6.[1] 1981 schull de School ganz dichtmaakt warrn, aver dat kunn de Oort verhinnern un de School is bet 2016 bleven.[1]
Lüüd[ännern | Bornkood ännern]
De Maler Feodor Szerbakow hett lange Tied in Seebargen leevt un is dor 2009 doodbleven.
Literatur[ännern | Bornkood ännern]
- Hinrich Haltermann, Jürgen Schumacher: Vom Korten Moor bis Seebergen. Eine Dorfgeschichte. Sülvsverlag, 1981
- Albert Haltermann: Seebergen: ein Dorf und seine Bewohner in Vergangenheit und Gegenwart. 1995
Footnoten[ännern | Bornkood ännern]
- ↑ a b c d e f g h i Albert Haltermann: Seebergen – idyllisch und schön.
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 96: http://books.google.de/books?id=Q 5OAAAAcAAJ&pg=PA96
- ↑ C. H. Jansen: Statistisches Handbuch des Königreichs Hannover. 1824, Sied 554: http://books.google.de/books?id=tG0AAAAAcAAJ&pg=PA554
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
- ↑ http://www.gemeindeverzeichnis.de/gem1900/gem1900.htm?hannover/osterholz.htm
- ↑ a b c http://www.verwaltungsgeschichte.de/osterholz.html
- ↑ http://www.lilienthal.de/fileadmin/Downloads/Fachbereich IV/Gemeindebroschuere.pdf
Weblenken[ännern | Bornkood ännern]
- Websteed von’n Heimatvereen Seebargen (hoochdüütsch)
Butendiek | Falkenbarg | Feldhusen | Heidbarg | Kloostermoor | Leendaal | Moorhusen | Seebargen | St. Jürgen | Truup | Truperdiek | Trupermoor | Worphusen