Wienkoopsmoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28879 | |
| Vörwahl: | 04208 | |
| Geograafsche Laag: | Koordinaten:53° 8′ N, 9° 0′ O53° 8′ N, 9° 0′ O | |
|
| ||
Wienkoopsmoor (hoochdüütsch Weinkaufsmoor) is en Dörp in de Gemeen Grasbarg in’n Landkreis Oosterholt, Neddersassen.
Geografie
[ännern | Bornkood ännern]De Oort liggt in dat Korte Moor, wat en Utlöper von dat Düvelsmoor is. Dat Water ut dat Rebeed warrt över Gravens na de Wümm hen afföhrt.
De Naveröörd sünd Dannenbarg in’n Noorden, Meinershusen in’n Noordoosten, Nee-Rutendorp in’n Oosten, Rutendorp in’n Süüdoosten un Seebargen in’n Süden un Westen.
Historie
[ännern | Bornkood ännern]Wienkoopsmoor is 1826 as Stratendörp un Moorkolonie grünnt worrn.
Verwaltungsgeschicht
[ännern | Bornkood ännern]De Oort hett vör 1852 to de Moorvaagdie Grasdörp in dat Amt Otterbarg tohöört un von 1852 bet 1885 to dat Amt Leendaal. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.
De Oort weer bet 1929 en egen Gemeen un is in dat Johr denn Deel von de Gemeen Dannenbarg worrn. De Gemeen Dannenbarg is an’n 1. März 1974 mit de Gemeenreform in Neddersassen Deel von de Gemeen Grasbarg worrn.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 58 Lüüd, 9 Hüüs |
| 1. Dezember 1871[2] | 76 Lüüd, 13 Hüüs |
| 1. Dezember 1885[3] | 94 Lüüd, 17 Hüüs |
| 1. Dezember 1905[4] | 90 Lüüd, 16 Hüüs |
| 1. Dezember 1910[5] | 105 |
Religion
[ännern | Bornkood ännern]Wienkoopsmoor is evangeelsch-luthersch präägt un höört to dat Kaspel von de Findörp-Kark in Grasbarg.
För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Wienkoopsmoor löppt de Kreisstraat 10, de in’n Noorden na Grasbarg un an de Landsstraat 133 geiht un in’n Süden an de L 154 ran. De L 154 löppt in’n Noordwesten na Falkenbarg bi Leendaal un in’n Oosten an Hu’e langs över Quelkhoorn na Otterbarg.
De nächste Autobahn is de Autobahn 27 (Afsnidd Bremen–Wasra). De Opfohrt 19 Horn-Leh liggt so twölv Kilometer in’n Süüdwesten von Wienkoopsmoor an de Leendaler Heerstraat.
De nächste Bahnhoff is so bi ölven Kilometer wied weg in’n Süden de Bahnhoff Sao’ern an de Bahnlien Hamborg–Bremen. Op de Bahnlien Bremen–Tarms hett dat von 1900 bet 1956 Personenverkehr geven. De Bahnhoff Falkenbarg weer in düsse Tied fiev Kilometer in’n Noordwesten.
Scholen
[ännern | Bornkood ännern]Wienkoopsmoor harr fröher tohoop mit Dannenbarg en Volksschool, de in dat 20. Johrhunnert dichtmaakt hett. Nu gaht de Kinner na de Grundschool Grasbarg.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 170
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
- ↑ Inwahnertallen op gemeindeverzeichnis.de