Bahnhoff Sao’ern

Vun Wikipedia
Zur Navigation springen Zur Suche springen
Dat Bahnhoffsgebüüd
Blick op’n Bahnstieg

De Bahnhoff Sao’ern is en Bahnhoff mit de Bahnhoffskategorie 6 un veer Gleise in dat Dörp Sao’ern. De Bahnhoff liggt an de Bahnlien Hamborg–Bremen (Deel von de Bahnlien Wanne-Eickel–Hamborg).

He liggt in’n Noordoosten von dat Dörp an de Kreisstraat 2.

In’n Westen von Sao’ern tweelt de Bahn un deelt sik op in de Bahnlien na’n Hauptbahnhoff Bremen för den Personenverkehr un de Bahnlien Karkweyh–Sao’ern för den Göderverkehr, de nich dör Bremen gahn schall.

Historie[ännern | Bornkood ännern]

De Bahnlien twüschen Hamborg un Bremen is 1873 boot worrn un an’n 1. Juni 1874 in Bedriev gahn. In düsse Tied is ok de Bahnhoff in Sao’ern boot worrn. Dat Gebüüd ut Backsteen hett den sülven Grundriss as de Bahnhoff Karkweyh, blots spegelt.

Dat Bahnhoffsgebüüd is 1999 von de Düütsche Bahn an de Patron Elke S.à r.l. verköfft worrn un is as Bodenkmaal schuult.

In’n Juni 2015 hett de Gemeenraad von de Gemeen Eiten beslaten, dat de Bahnhoff in Tokumst üm een Kilometer na Westen verleggt warrn schall an de Straat Op de Heid. Dor schall blots en eenfachen Bahnhoff ahn Gebüüd boot warrn. De Gemeenraad stünn ünner Druck von de Bahn, dat de Bahnhoff ganz dichtmaakt warrt, wenn de Gemeenraad nich beslütt den Bahnhoff to verleggen. Dat Saneren von’n olen Bahnhoff weer de Bahn to düür. Na aktuelle Plaans (Stand 2017) schöölt de Boarbeiden aver nich vör 2019 loosgahn.

De Afkörten in dat Bahnamtliche Betriebsstellenverzeichnis is ASAG[1] un de Internatschonale Bahnhoffsnummer 8005256.

De Bahnhoff hett veer Gleise mit een Butenbahnstieg un een Middelbahnstieg.

Personenverkehr[ännern | Bornkood ännern]

Bedriever Öörd KBS Takt
ME Hamborg HauptbahnhoffHamborg-HorborgHittfeldKleckenBookholtSprötzTöstLambrüchScheeßlRodenborgSöttmerOtterbargSao’ernÖverneelandBremen Hauptbahnhoff KBS 120 elk Stünn

Weblenken[ännern | Bornkood ännern]

Commons-logo.svg Bahnhoff Sao’ern. Mehr Biller, Videos oder Audiodateien to’t Thema gifft dat bi Wikimedia Commons.

Footnoten[ännern | Bornkood ännern]

  1. Betriebsstellenverzeichnis von de DB Nett AG


Koordinaten:53° 5′ N, 9° 1′ O