Sao’ern

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Sao’ern
Laag vun Sao’ern in Düütschland
Basisdaten
Bundsland: Neddersassen
Landkreis: Veern
Gemeen: Eiten
Flach: 5,86 km²
Inwahners: 1.773 (2016-06-3030. Juni 2016)
Inwahnerdicht: 302,6 Inwahners pro km²
Postleettall: 28876
Vörwahl: 04207
Geograafsche Laag:
Koordinaten:53° 5′ N, 9° 1′ O
53° 5′ N, 9° 1′ O
Sao’ernBookössEiten-NoordEiterdammSchaaphusenBassen (Landkreis Veern)Eiten-SüüdMeyerdamm
Laag von Sao’ern in de Gemeen Eiten (Koort lett sik anklicken)

Sao’ern (hoochdüütsch Sagehorn) is en Dörp in de Gemeen Eiten in’n Landkreis Veern, Neddersassen. Binnen de Gemeen billt de Oort en egen polietsche Oortschop.

Bi Sao’ern höört ok de Oort Clüverdamm mit bi.

Geografie[ännern | Bornkood ännern]

De Oort liggt op’n Rand von de Achem-Veerner Geest hen na dat Moor langs de Wümm. Dat Water ut dat Rebeed flütt över’n Bassener Möhlengraven na’n Süüdarm von de Wümm hen af. Na Noorden to liggt dat Naturschuulrebeed Hu’er Wümmdaal.

De Naveröörd sünd Rutendorp in’n Noorden, Hu’e un Baaksbarg in’n Noordoosten, Bre’enmoor in’n Oosten, Möhlendoor un Booköss in’n Süüdoosten, Eiten in’n Süden, Meyerdamm in’n Süüdwesten, Clüverdamm in’n Westen un Ebbensiek in’n Noordwesten.

Historie[ännern | Bornkood ännern]

Sao’ern kummt 1466 toeerst in de Oorkunnen vör. Bet in dat 19. Johrhunnert hett dat in’n Oort ok dat Good Sao’ern geven, dat de Familie von Clüver tohöört hett.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.

De Oort weer fröher en egenstännige Gemeen. 1928 hett Sao’ern noch von de Gemeen Eiten den Hoff Eiterwümm tokregen, de vörher en Exklaav von Eiten billt harr. 1929 hett Sao’ern von Meyerdamm den Oort Clüverdamm tokregen. De Gemeen Sao’ern is an’n 1. Januar 1963 Deel von de Gemeen Eiten worrn. Dat Rebeed billt nu binnen de Gemeen Eiten en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[1] 21 Füürsteden
1812-00-001812[2] 130
1824-00-001824[3] 21 Füürsteden
1848-00-001848[4] 270 Lüüd. 41 Hüüs
1871-12-011. Dezember 1871[5] 276 Lüüd. 51 Hüüs
1885-12-011. Dezember 1885[6] 360 Lüüd. 48 Hüüs
1905-12-011. Dezember 1905[7] 371 Lüüd. 63 Hüüs
1910-12-011. Dezember 1910[8] 488*
1925-00-001925[9] 536*
1933-00-001933[9] 612*
1939-00-001939[9] 626*
* tohoop mit dat Sao’erner Bre’enmoor

Religion[ännern | Bornkood ännern]

Sao’ern is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.

För de Kathoolschen is de St.-Matthias-Kark in Achem tostännig.

Wapen[ännern | Bornkood ännern]

Dat Wapen von Sao’ern wiest twee Borenklauen. Dat Dörp hett de ut dat Wapen von de Familie von Clüver övernahmen, de fröher op dat Good Sao’ern seten hett.

Oortsvörsteihers[ännern | Bornkood ännern]

  • –31. Oktober 2016: Helmut Oetjen
  • 1. November 2016–: Günter Block-Osmers

Kultur[ännern | Bornkood ännern]

Verenen[ännern | Bornkood ännern]

De Schüttenvereen Sao’ern is 1906 grünnt worrn.

Weertschop un Infrastruktur[ännern | Bornkood ännern]

För Sao’ern is de freewillige Füürwehr Eiten mit tostännig.

Verkehr[ännern | Bornkood ännern]

Dör Sao’ern löppt de Kreisstraat 2, de in’n Noordoosten na Hu’e un Quelkhoorn an de Landsstraat 154 ran geiht un in’n Süden na Eiten an de Landsstraten L 168 un L 167. De L 167 geiht in’n Süden över Emßen na Achem. De L 168 föhrt in’n Westen na de Bremer Oortsdelen Oosterholt un Hemeln un in’n Noordoosten över Bassen na Otterbarg. De L 154 löppt von Quelkhoorn in’n Noordwesten na Falkenbarg un Leendaal un in’n Oosten över Otterbarg un Söttmer na Rodenborg.

De nächste Autobahn is de Autobahn 1 (Afsnidd BremenHamborg). De Opfohrt 52 Eiten liggt so dree Kilometer in’n Süden von Sao’ern an de L 167.

En Stück in’n Noorden von’n Oort liggt de Bahnhoff Sao’ern an de Bahnlien Hamborg–Bremen. De Bahnlien Karkweyh–Sao’ern, de von de Bahnlien Hamborg–Bremen na Süüdwesten afgeiht, is blots för den Göderverkehr.

Scholen[ännern | Bornkood ännern]

De Kinner ut’n Oort gaht na de Grundschool Sao’ern, de in’n Süden an de Grenz na Eiten liggt. Bet 1819 güngen de Kinner in Eiten na School, hebbt denn aver en egen Volksschool in Sao’ern kregen. 1865 is en neet Schoolhuus boot worrn. De School hett 1969 dichtmaakt, as för Sao’ern, Booköss un Meyerdamm en ne’e gemeensame School boot worrn is. Eerst 1995 is de Grundschool Sao’ern denn nee grünnt worrn.

De Kinnergoorn Sao’ern is 1987 grünnt worrn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 198
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 526
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 143
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Sao’ern. Mehr Biller, Videos oder Audiodateien to’t Thema gifft dat bi Wikimedia Commons.