Ebbensiek

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Ebbensiek
Laag vun Ebbensiek in Düütschland
Basisdaten
Bundsland: Neddersassen
Landkreis: Veern
Gemeen: Otterbarg
Inwahners:
Postleettall: 28870
Vörwahl: 04298
Geograafsche Laag:
Koordinaten:53° 7′ N, 8° 59′ O
53° 7′ N, 8° 59′ O

De Ebbensiek (hoochdüütsch Ebbensiek) is en lütten Oort in de Gemeen Otterbarg in’n Landkreis Veern, Neddersassen. Binnen de Gemeen höört de Oort to de polietsche Oortschop Hu’e.

Geografie[ännern | Bornkood ännern]

De Oort liggt op en lüttje Geestinsel, de in dat siede Rebeed twüschen Noordarm un Süüdarm von de Wümm liggt. De Hüüs von’n Ebbensiek staht dorbi direkt an’n Noordarm. Dat Rebeed in’n Süden is as Naturschuulrebeed Hu’er Wümmdaal schuult un dat in’n Westen as Borgfeller Wümmwischen.

Bi’n Ebbensiek is de Grenz, bet to de in de Wümm noch Ebb un Flood to marken sünd.

De Naveröörd sünd Seebargen in’n Noorden, Rutendorp in’n Noordoosten, Quelkhoorn un Hu’e in’n Oosten, Baaksbarg in’n Süüdoosten, Sao’ern un Klüverdamm in’n Süden, de Bremer Oortsdeel Överneeland in’n Süüdwesten, de Bremer Oortsdeel Borgfeld in’n Westen un Timmersloh in’n Noordwesten.

Historie[ännern | Bornkood ännern]

De eersten Hüüs von’n Ebbensiek hebbt op dat Noordöver von de Wümm op Rebeed legen, dat 1666 an Bremen fullen is. Düsse Hüüs hebbt to Katrepel höört un nu to’n Oortsdeel Borgfeld. Vondaag warrt düsse Deel aver mehrstendeels An’n Hexenbarg nöömt un nich mehr Ebbensiek. De Naam Ebbensiek is övergahn op de Hüüs, de in Neddersassen staht. De eerste Hoff op de vondaag neddersassische Sied is in dat 19. Johrhunnert anleggt worrn. Dat weer de Hoff von dat hüdige Gasthuus Meyerdierks. Eerst an’t Enn von dat 19. Johrhunnert is denn en tweten Hoff anleggt worrn un in dat 20. Johrhunnert noch mehr Hüüs.

Verwaltungsgeschicht[ännern | Bornkood ännern]

De Oort hett vör 1859 to dat Amt Otterbarg tohöört un denn von 1859 bet 1885 to dat Amt Achem. Na 1885 weer dat in’n Kreis Achem, de 1932 Deel von’n Kreis Veern worrn is.

De Oort hett al jümmer to de Gemeen Hu’e höört. De Gemeen Hu’e is an’n 1. Juli 1972 mit de Gemeenreform in Neddersassen Deel von de Gemeen Otterbarg worrn. Sietdem höört de Oort binnen de Gemeen to de Oortschop Hu’e.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 5 Lüüd. 1 Huus
1885-12-011. Dezember 1885[2] 15 Lüüd. 2 Hüüs
1905-12-011. Dezember 1905[3] 8 Lüüd. 2 Hüüs

Religion[ännern | Bornkood ännern]

De Ebbensiek is evangeelsch-luthersch präägt un höört to dat Kaspel von de Leevfroon-Kark in Hu’e.

För de Kathoolschen is de St.-Matthias-Kark in Achem tostännig.

Weertschop un Infrastruktur[ännern | Bornkood ännern]

För’n Ebbensiek is de freewillige Füürwehr Hu’e mit tostännig.

Verkehr[ännern | Bornkood ännern]

Knapp een Kilometer in’n Noordoosten von’n Ebbensiek löppt de Landsstraat 154 langs, de in’n Noordwesten över Seebargen un Heidbarg na Falkenbarg an de L 133 ran geiht un in’n Oosten över Quelkhoorn na Otterbarg. De Verkehr na Süüdwesten hen is dör de Wümm afsperrt.

De nächste Autobahn is de Autobahn 27 (Afsnidd BremerhobenBremenWasra). De Opfohrt 19 Horn-Leh liggt so teihn Kilometer in’n Süüdwesten von’n Ebbensiek an de Leendaler Heerstraat.

De nächste Bahnhoff is so bi ölven Kilometer wied weg in’n Süüdoosten de Bahnhoff Sao’ern an de Bahnlien Hamborg–Bremen.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3