Möhlendoor (Gemeen Eiten)

Vun Wikipedia
Wapen/Flagg Koort
hett keen Wapen
Möhlendoor
Laag vun Möhlendoor in Düütschland
Basisdaten
Bundsland: Neddersassen
Landkreis: Veern
Gemeen: Eiten
Inwahners:
Postleettall: 28876
Vörwahl: 04207
Geograafsche Laag:
Koordinaten:53° 4′ N, 9° 3′ O
53° 4′ N, 9° 3′ O

Karte

Möhlendoor (hoochdüütsch Mühlentor) is en Oort in de Gemeen Eiten in’n Landkreis Veern, Neddersassen. Binnen de Gemeen Eiten is de Oort opdeelt twüschen de polietschen Oortschoppen Booköss (Bookösser Möhlendoor) un Schaaphusen (Schaaphusener Möhlendoor).

Geografie[ännern | Bornkood ännern]

De Oort liggt op’n Rand von de Achem-Veerner Geest hen na dat siede Moorland langs de Wümm. Dat Water ut dat Rebeed flütt över den Möhlengraven na’n Süüdarm von de Wümm hen af.

De Naveröörd sünd Hu’e un Baaksbarg in’n Noorden, Bre’enmoor in’n Noordoosten, Bassen in’n Süüdoosten, Bassenergrund un Schaaphusen in’n Süden, Eitermöhlen in’n Süüdwesten, Booköss in’n Westen un Sao’ern in’n Noordwesten.

Historie[ännern | Bornkood ännern]

De Oort Möhlendoor geiht trügg op en Watermöhl, de hier fröher stahn hett. In dat 18. Johrhunnert is de Möhl afreten un in Sao’ern nee opboot worrn.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.

De Oort hett von öllers deelwies to de Gemeen Booköss un deelwies to de Gemeen Schaaphusen tohöört. De Gemeen Booköss is an’n 1. Januar 1963 Deel von de Gemeen Eiten worrn un Schaaphusen an’n 1. April 1968. Sietdem höört Möhlendoor binnen de Gemeen to de Oortschoppen Booköss un Schaaphusen.

Inwahnertall[ännern | Bornkood ännern]

tohoop:

Johr Inwahners
1812-00-001812[2] 13

Booköss:

Johr Inwahners
1848-00-001848[3] 27 Lüüd, 6 Hüüs
1871-12-011. Dezember 1871[4] 28 Lüüd, 6 Hüüs
1885-12-011. Dezember 1885[5] 31 Lüüd, 6 Hüüs
1905-12-011. Dezember 1905[6] 27 Lüüd, 6 Hüüs

Schaaphusen:

Johr Inwahners
1848-00-001848[7] 53 Lüüd, 6 Hüüs
1871-12-011. Dezember 1871[8] 40 Lüüd, 6 Hüüs
1885-12-011. Dezember 1885[9] 35 Lüüd, 7 Hüüs
1905-12-011. Dezember 1905[10] 36 Lüüd, 8 Hüüs

Religion[ännern | Bornkood ännern]

Möhlendoor is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.

För de Kathoolschen is de St.-Matthias-Kark in Achem tostännig.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Möhlendoor is an’n 30. September 1961 grünnt worrn.

Weertschop un Infrastruktur[ännern | Bornkood ännern]

För Möhlendoor is de freewillige Füürwehr Eiten mit tostännig.

Verkehr[ännern | Bornkood ännern]

Von Möhlendoor löppt in’n Süden en Straat na de Landsstraat 168 in Schaaphusen un twee Straten na de Kreisstraat 2 in’n Westen in Booköss un in’n Noorden bi Baaksbarg. De L 168 föhrt in’n Westen na Eiten un na de Bremer Oortsdelen Oosterholt un Hemeln un in’n Noordoosten na Bassen un Otterbarg. De K 2 löppt in’n Noorden na Hu’e un Quelkhoorn an de L 154 ran.

De nächste Autobahn is de Autobahn 1 (Afsnidd HamborgBremen). De Opfohrt 52 Eiten liggt so veer Kilometer in’n Süüdwesten von Möhlendoor an de L 167.

De nächste Bahnhoff is so bi fiev Kilometer wied weg in’n Noordwesten de Bahnhoff Sao’ern an de Bahnlien Hamborg–Bremen.

Scholen[ännern | Bornkood ännern]

Vör 1860 sünd de Kinner ut Möhlendoor in Eiten na School gahn. In dat Johr hett denn en School in Möhlendoor apenmaakt, de ok för de beiden Dörper Booköss un Schaaphusen tostännig weer. In de twete Hälft von dat 20. Johrhunnert hett de School wedder dichtmaakt. Sietdem gaht de Kinner ut Möhlendoor na de Grundschool Bassen.

Footnoten[ännern | Bornkood ännern]

  1. Johannes Grote: 800 Jahre Oyten. Besiedlung und Entwicklung eines Geestdorfes. Heimatvereen Eiten, 2013, Sied 16
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
  7. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 143
  8. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 167
  9. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
  10. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3