Kloostermoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Hööchd: | 5 m över NHN | |
| Postleettall: | 28865 | |
| Vörwahl: | 04298 | |
| Geograafsche Laag: | Koordinaten:53° 10′ N, 8° 56′ O53° 10′ N, 8° 56′ O | |
|
| ||
Kloostermoor (hoochdüütsch Klostermoor) is en Dörp in de Gemeen Leendaal in’n Landkreis Oosterholt, Neddersassen.
Geografie
[ännern | Bornkood ännern]De Oort liggt in dat Düvelsmoor. Dat Water ut dat Rebeed flütt över de Ole Worp/dat Karkenfleet na Hamm un Wümm hen af.
De Naveröörd sünd Worphusen un Schrötersdörp in’n Noordoosten, Eekdorp in’n Oosten, Heidbarg un Trupermoor in’n Süüdoosten, Falkenbarg in’n Süden, Leendaal un Moorhusen in’n Süüdwesten un Frankenborg, Lüttmoor un Lüningsee in’n Noordwesten.
Historie
[ännern | Bornkood ännern]Kloostermoor is as Moorkolonie grünnt worrn. 1795 is tosätzlich noch en Stück Moor in Kultur nahmen worrn. De Hüüs, de op düt Land anleggt worrn sünd, hebbt denn Nee-Kloostermoor heten.
In’n Eersten Weltkrieg sünd acht Soldaten ut Kloostermoor fullen oder vermisst.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Falkenbarg in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Leendaal in’n Kanton Leendaal.
De Oort hett vör 1885 to de Vaagdie Truup von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n Kreis Oosterholt tohoopgahn is.
De Oort weer fröher en egenstännige Gemeen. An’n 1. Oktober 1937 is de Gemeen Deel von de Gemeen Leendaal worrn, de mit de Gemeenreform in Neddersassen an’n 1. März 1974 noch wedder grötter worrn is.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 12 Füürsteden |
| 1812[3] | 114 |
| 1824[4] | 21 Füürsteden |
| 1848[5] | 163 Lüüd, 25 Hüüs |
| 1. Dezember 1871[6] | 160 Lüüd, 29 Hüüs |
| 1. Dezember 1885[7] | 168 Lüüd, 30 Hüüs |
| 1. Dezember 1905[8] | 128 Lüüd, 27 Hüüs |
| 1. Dezember 1910[9] | 134 |
Religion
[ännern | Bornkood ännern]Kloostermoor is evangeelsch-luthersch präägt un höört to dat Kaspel von de Marien-Kark in Truup.
För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.
Kultur
[ännern | Bornkood ännern]En Denkmaal för de Fullenen ut’n Eersten Weltkrieg steiht twüschen Trupermoor un Kloostermoor.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Kloostermoor löppt de Kreisstraat 8, de in’n Westen över Frankenborg, Wührn, Millbüern, Veerhusen un Nedderenn na Hu’e to geiht. In’n Süüdoosten geiht de K 8 över de K 18 na Trupermoor an de Landsstraten L 133 un L 154. De L 133 föhrt in’n Noorden na Worpsweed un in’n Süden na Leendaal un denn över de Leendaler Heerstraat na Bremen. De L 154 geiht in’n Süüdoosten över Heidbarg un Seebargen na Otterbarg.
De nächste Autobahn is de Autobahn 27 (Afsnidd Bremen–Wasra). De Opfohrt 19 Horn-Leh liggt so ölven Kilometer in’n Süüdwesten von Kloostermoor an de Leendaler Heerstraat.
De nächste Bahnhoff is so bi 13 Kilometer wied weg in’n Süden de Bahnhoff Överneeland an de Bahnlien Hamborg–Bremen. De Bahnhööv Hu’e un Oosterholt-Scharmbeek an de Bahnlien Bremen–Bremerhoben doot ok good 13 Kilometer in’n Noordwesten liggen. Von 1900 bet 1956 hett dat op de Kleenbahn Bremen–Tarmst Personenverkehr geven. De Bahnhoff Trupermoor leeg in düsse Tied twee Kilometer in’n Süüdoosten.
Knapp twee Kilometer in’n Süüdoosten von Kloostermoor liggt de Ennpunkt von de Lien 4/4S von de Stratenbahn Bremen, de över den Hauptbahnhoff Bremen bet na Oorssen reckt. De Stratenbahn besteiht siet 2014.
Scholen
[ännern | Bornkood ännern]De Kinner ut Kloostermoor gaht na de Grundschool Trupermoor.
Lüüd
[ännern | Bornkood ännern]De plattdüütsche Schriever Henry Hoyer is 1933 in Kloostermoor boren.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 48
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 336
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 166
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
- ↑ Inwahnertallen op gemeindeverzeichnis.de
Butendiek | Falkenbarg | Feldhusen | Heidbarg | Kloostermoor | Leendaal | Moorhusen | Seebargen | St. Jürgen | Truup | Truperdiek | Trupermoor | Worphusen