Warf (Bremen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28357 | |
| Vörwahl: | 0421 | |
| Geograafsche Laag: | Koordinaten:53° 8′ N, 8° 54′ O53° 8′ N, 8° 54′ O | |
|
| ||
Warf is en Oort in’n Noordoosten von de Stadt Bremen in Neddersassen. Dat liggt in’n Bremer Oortsdeel Borgfeld.
Geografie
[ännern | Bornkood ännern]Warf liggt in dat lüttje Rebeed von Bremen, dat op dat rechte Över von de Wümm liggt. Warf liggt direkt an de Münn von de Wörp in de Wümm. In’n Süüdoosten liggt dat Naturschuulrebeed Borgfeller Wümmwischen un in’n Westen dat Naturschuulrebeed Ünnere Wümm.
De Naveröörd sünd Borgfeld in’n Süden, Truperdiek in’n Westen, Truup in’n Noordwesten, Leendaal in’n Noorden un Butendiek in’n Noordoosten. Afsehn von Borgfeld doot disse Öörd all in’n Landkreis Oosterholt in Neddersassen liggen.
Historie
[ännern | Bornkood ännern]De Naam von’n Oort kummt von de Warft. De eersten Hüüs stünnen op Eerdhümpels, üm vör de Flood seker to ween. Warf bestünn toeerst man ut twee Buurnhööv. Bet 1383 hett sik en lütt Regendörp an’n Diek utwickelt. De Hööv hebbt as Meierhööv dat Doomkapittel tohöört. Warf hett to de Vaagdie Langwedel höört un denn to dat Kaspel Borgfeld.
1666 hett Bremen de kumplette Hoheit över dat Gericht Borgfeld mit Borgfeld, Warf, Butendiek, Timmersloh, Verenmoor un Ebbensiek övernahmen. An’n 21. April 1813 is Warf jüstso as Leendaal von de Franzosen ansteken worrn, nadem op de Franzosen schaten worrn is.
1797 is in Warf en Möhl boot worrn, de 1889 dör Blitzslag afbrennt is. 1870 is Warf Deel von de Landgemeen Borgfeld ween.
In’n Eersten Weltkrieg sünd veer Soldaten ut Warf fullen oder vermisst[1].
Deel von dat Oortsamt Borgfeld is de Oort 1946 worrn.
Inwahnertall
[ännern | Bornkood ännern]| Johr | Inwahners |
|---|---|
| 1843[2] | 11 Hüüs, 66 Inwahners |
Religion
[ännern | Bornkood ännern]Warf is evangeelsch präägt un höört to dat Kaspel Borgfeld.
Kultur
[ännern | Bornkood ännern]En Denkmaal för de Fullenen ut Warf ut de twee Weltkrieg’ steiht in Borgfeld.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Warf liggt an de Warfer Landstraat, de in’n Noordwesten in de Borgfeller Allee münnt, de denn in’n Noorden na Leendaal un in’n Süden över de Wümm na Borgfeld geiht. In’n Oosten geiht de Warfer Landstraat na Timmersloh un büddt över de Borgfeller Landstraat un de Butendieker Landstraat Togang na Butendiek un över de Wümm na Borgfeld.
De nächste Opfohrt op en Autobahn is de Opfohrt 19 Horn-Leh op de Autobahn 27 (Afsnidd Bremen–Wasra), de so üm un bi söss Kilometer weg is.
De nächste Bahnhoff is de Bahnhoff Överneeland an de Bahnlien Wanne-Eickel-Hamborg un so bi söven Kilometer weg.
Footnoten
[ännern | Bornkood ännern]- ↑ http://www.denkmalprojekt.org/2008/bremen-borgfeld_ratsspiekerpark_wk1u2.htm
- ↑ Johann Friedrich Kratzsch: Vollständiges topographisch-justitiarisches handbuch der sämmtlichen deutschen bundesstaaten. Zimmermann, 1843, Band 1 Sied 750