Gericht Swonewebel
Dat Gericht Swonewebel weer en Patrimonialgericht un Verwaltungsrebeed in Bremen-Veern un in dat Königriek Hannover mit Seet in Swonewebel binnen de Landdrostie Stood. Dor hett groff dat Rebeed von de hüdige Gemeen Swonewebel tohöört. Gerichtsherrn weren de Familien von der Wisch, von Swonewebel un Haltermann.
Historie
[ännern | Bornkood ännern]1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Swonewebel weer in disse Tied de Seet von de Mairie Swonewebel in’n Kanton Vesack. 1813 müssen de Franzosen dat Rebeed denn opgeven un de ole Stand is wedderkamen.
1848 weer dat Gericht so 16,90 km²[1] groot.
Bi de Verwaltungs- un Justizreform an’n 1. Oktober 1852 is dat Gericht Swonewebel Deel von dat Amt Blomendal worrn.
Öörd Stand 1848[1]
[ännern | Bornkood ännern]| Oort | Lüüd | Hüüs | Aard | Status | |
|---|---|---|---|---|---|
| Swonewebel* | 687 | 109 | Dörp | Gemeen | |
| 1 | twee Eddelgöder (von der Wisch, von dat blots een beboot is) | 6 | 1 | Eddelgöder | ahn Gemeen |
| twee Anbosteden an’n Damm | 9 | 2 | Anbosteden | ahn Gemeen | |
| 2 | Brinkhoff | 9 | 1 | Eddelgood | ahn Gemeen |
| Anboten Brink un Braakland, 1 Anbo an’n Damm, 1 Anbo an’n Hühnensteen, 1 Anbo an’n Reitbarg | 127 | 23 | Anboten | ahn Gemeen | |
| 3 | free Anbohoff von A. Baumann in Hogenböken | 6 | 1 | Anbohoff | ahn Gemeen |
- * besteiht ut de enkelten Hööv un Hüüs: Damm (ok Swonewebel nöömt), Loog, Karkhoop, Reitbarg, Hühnensteen, Flassbarg, Hinnebeker Forth, Vörbargen, Klippeney, Trenthöben, Langenbarg, Hogenböken un Köhlhorst, Voshahl, Stillhorn, Lehmhorst, Geil, Töwerschenbarg, Siethlandswehr un Keller
Inwahnertall
[ännern | Bornkood ännern]| Johr | Inwahners |
|---|---|
| 1810[2] | 576 Lüüd, 107 Füürsteden |
| 1823[3] | 518 Lüüd, 109 Hüüs |
| 1848[1] | 844 Lüüd, 137 Hüüs |
Richters
[ännern | Bornkood ännern]- ~1800: Diedrich Rohdenburg, Cleve
- –1840: Avkaat Christoph Rudolph Rohdenburg, Cleve
- 1841–1852: Amtsassesser Ludolf Ulrich Fromme, Meyenborg
Footnoten
[ännern | Bornkood ännern]- ↑ a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 151: http://books.google.de/books?id=eOI-AAAAcAAJ&pg=PA151
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 138: https://books.google.de/books?id=c24IAAAAQAAJ&pg=PA138
- ↑ Johann G. L. W. Ubbelohde: Statistisches Repertorium über das Königreich Hannover. Hahn, 1823, Sied 86: https://books.google.de/books?id=Rvs-AAAAcAAJ&pg=PA86
